अंबादास दानवेंनी बाह्या सरसावल्या, महाराष्ट्रद्रोही-उपरा म्हणत हल्लाबोल, सोमय्यांचा पेनड्राईव्ह उपसभापतींकडे!
मुंबई पोलीस कामाला लागले, किरीट सोमय्यांची धाकधूक वाढली!

गृहमंत्री देवेंद्र फडणवीस यांच्या चौकशीच्या आदेशानंतर मुंबई पोलिसांच्या मुंबई गुन्हे शाखेने तपास सुरू केला आहे. मुंबई गुन्हे शाखा युनिट १० व्हिडिओच्या सत्यतेचा तपास करणार आहे. या प्रकरणाचा तपास करण्यासाठी गुन्हे शाखेचे अधिकारी, तांत्रिक तज्ज्ञ आणि सायबर टीमची मदत घेणार आहेत. विधानपरिषदेत हा मुद्दा उपस्थित झाल्यानंतर उपमुख्यमंत्री देवेंद्र फडणवीस यांनी या प्रकरणाच्या चौकशीचे आदेश दिले. त्यानंतर मुंबई पोलीस ॲक्शन मोडमध्ये आले असून त्यांनी तपास सुरू केला आहे. दरम्यान, मुंबई पोलिसांच्या हालचालींनी सोमय्यांची धाकधूक वाढणार आहे.

आशिष शेलार आणि जयंत पाटलांनी शंभूराज देसाईंना खिंडीत गाठलं, उत्तर देता देता दमछाक!
कुणालाही पाठिशी घालणार नाही, सखोल चौकशी होणार

विरोधी पक्षाच्या आक्रमक पवित्र्यानंतर फडणवीस म्हणाले, ‘विरोधी पक्षाने उचललेला मुद्दा खरंच गंभीर आहे. राजकारणात अनेक प्रसंग येत असतात. सोमय्यांविरोधातल्या तक्रारींबाबत विरोधी पक्षाने माझ्याकडे पुरावे द्यावेत. गृहखाते कुणालाही पाठिशी घालणार नाही. या प्रकरणाची सखोल चौकशी केली जाईल. कुठलंही प्रकरण दाबलं जाणार नाही. या प्रकरणी वरिष्ठ पातळीवर चौकशी केली जाईल, अशी ग्वाही फडणवीसांनी सभागृहात दिली.