रत्नागिरी,खेड: उत्तर कोकणात पावसाचा जोर सकाळपासून कायम असून रायगड जिल्ह्यातील दोन नद्यांनी इशारा पातळी ओलांडली आहे. तर रत्नागिरी जिल्ह्यात खेड येथील जगबुडी मध्ये इशारा पातळी ओलांडून पुन्हा धोक्याच्या पातळीच्या जवळ आहे. त्यामुळे रायगड जिल्हा प्रशासन अलर्ट मोडवर आहे. सुरक्षेचा उपाय म्हणून पुराआधीच चार दिवसांपूर्वीच रत्नागिरी व रायगड जिल्ह्यात राष्ट्रीय आपत्ती निवारण दलाच्या (NDRF )टीम दाखल झाल्या आहेत. पावसाचा जोर असाच कायम राहिल्यास खेड, पोलादपूर व महाड ही तिन्ही शहरे पुन्हा पुराच्या छायेत येण्याची शक्यता निर्माण झाली आहे. महाड, पोलादपूर तालुक्यातील व खेड तालुक्यातील नदीकाठच्या लोकांना सावधानतेचा इशारा देण्यात आला आहे. हवामान खात्याने रायगड, रत्नागिरी, सिंधुदुर्ग, पालघर, ठाणे या जिल्ह्यांना मुसळधार पावसाचा इशारा दिला आहे. तर रायगड जिल्हयाला अतिवृष्टीचा इशारा हवामान विभागाकडून देण्यात आला आहे. जगबुडी नदी ६.२५ या पातळीवरून असून सात मीटर ही तिची धोका पातळी आहे. दरम्यान महाड व कोल्हापूर शहरावर प्रशासन लक्ष ठेवून आहे.
महाड पुन्हा एकदा पुराच्या छायेत असून सावित्री नदी इशारा पातळीच्या जवळ असल्याने महाड प्रशासन अलर्ट मोडवर आहे. महाड येथे जोरदार पाऊस सुरू असून महाबळेश्वर खोऱ्यातही पाऊस आहे. त्यामुळे आजचा दिवस महाडसाठी पुन्हा एकदा भीतीचा ठरण्याची शक्यता नाकारता येत नाही. त्यामुळे प्रशासन सज्ज झाले आहे. महाड व पोलादपूरच्या वेळी बाजूला असलेल्या सह्याद्री खोऱ्यात महाबळेश्वर येथेही जोरदार पाऊस सुरू आहे. रायगड मध्ये कुंडलिका व पाताळगंगा नदी धोकादायक पातळी ओलांडण्याची शक्यता आहे. १८ जुलै रोजी पोलादपूर तालुक्यात १५२ मिमी पाऊस पडला आहे. पोलादपूर तालुक्यात आजपर्यंतचा एकूण पाऊस १२८५ मिमी आहे. या पार्श्वभूमीवर महाड व पोलादपूर प्रशासन सज्ज झाले आहे.आंबा नदीनेही इशारा पातळी ओलांडली आहे. त्यामुळे स्थानिक प्रशासन सतर्क झाले आहे.
पोलादपूर तालुक्यातील पर्यटनस्थळी निर्बंध
महाड पुन्हा एकदा पुराच्या छायेत असून सावित्री नदी इशारा पातळीच्या जवळ असल्याने महाड प्रशासन अलर्ट मोडवर आहे. महाड येथे जोरदार पाऊस सुरू असून महाबळेश्वर खोऱ्यातही पाऊस आहे. त्यामुळे आजचा दिवस महाडसाठी पुन्हा एकदा भीतीचा ठरण्याची शक्यता नाकारता येत नाही. त्यामुळे प्रशासन सज्ज झाले आहे. महाड व पोलादपूरच्या वेळी बाजूला असलेल्या सह्याद्री खोऱ्यात महाबळेश्वर येथेही जोरदार पाऊस सुरू आहे. रायगड मध्ये कुंडलिका व पाताळगंगा नदी धोकादायक पातळी ओलांडण्याची शक्यता आहे. १८ जुलै रोजी पोलादपूर तालुक्यात १५२ मिमी पाऊस पडला आहे. पोलादपूर तालुक्यात आजपर्यंतचा एकूण पाऊस १२८५ मिमी आहे. या पार्श्वभूमीवर महाड व पोलादपूर प्रशासन सज्ज झाले आहे.आंबा नदीनेही इशारा पातळी ओलांडली आहे. त्यामुळे स्थानिक प्रशासन सतर्क झाले आहे.
पोलादपूर तालुक्यातील पर्यटनस्थळी निर्बंध
रायगड पोलीस अंतर्गत असलेल्या हद्दीतील पोलादपूर तालुक्यातील महाबळेश्वर रोडवरील मौजे दाभोळ गावाजवळ २७ जूनला दरड कोसळून येथील रस्ता वाहतुकीकरिता बंद झाला आहे. या ठिकाणी योग्य पोलीस बंदोबस्त ठेवून व इतर संबंधित विभागांना माहिती देवून रस्ता वाहतूकीकरिता खुला करण्याचे काम सुरु आहे. महाबळेश्वर, पाचगणी ही ठिकाणे पर्यटनदृष्ट्या अत्यंत महत्वाची असल्याने विशेषत: या दोन्ही ठिकाणी पावसाळी हंगामात पुणे, मुंबई व देशभरातील सर्व राज्यातून पर्यटकांची मोठ्या प्रमाणात गर्दी होत असते. हा रस्ता घाट रस्ता व अवघड वळणे असलेला व रस्त्याच्या बाजूस मोठया तीव्र उताराच्या दऱ्या व दोन्ही बाजूस झाडीद्वारे व ठिकठिकाणी धबधबे असलेला असा आहे.
तसेच पोलादपूर महाबळेश्वर रस्ता हा धोकादायक वळणाचा, दाट धुके असलेला व तीव्र उताराचा असल्याने रोडवर तसेच पायवाटेवर दरड कोसळत असल्याने अचानक दरड कोसळल्यास पर्यटकांची वित्त व जीवीत हानी होऊ शकते. त्यामुळे सुरक्ष‍िततेच्या दृष्टीने व पर्यावरणाच्या दृष्टीने विचार करता पोलादपूर तालुक्यातील महाबळेश्वर रोडवरील गावचे हद्दीतील धबधबे असलेल्या ठिकाणी या ठिकाणी पर्यटकांची व नागरिकांची जीवित व वित्तहानी होवू नये, शासकीय व खाजगी मालमत्तेची हानी होवू नये, सार्वजनिक आरोग्य धोक्यात येवू नये, पर्यटकांची सुरक्षा अबाधित राहावी तसेच कायदा व सुव्यवस्था सुस्थितीत राहावी, यासाठी येथील पर्यटकांनी/नागरिकांनी गजबजलेल्या पर्यटनस्थळांच्या ठिकाणी व त्याच्या 1 कि.मी.च्या परिसरात महाड उपविभागीय अधिकारी डॉ.ज्ञानोबा बानापुरे यांनी फौजदारी प्रक्रिया संहिता 1973 चे कलम 144(1) (4) नुसार दि.06 जुलै ते दि.03 सप्टेंबर 2023 या कालावधीसाठी प्रतिबंधात्मक आदेश जारी केला आहे.
Maharashtra Rain Alert : राज्यात पुढचे २४ तास अस्मानी संकट, मुंबई, पुण्यासह २४ जिल्ह्यांना येलो-ऑरेंज अलर्ट जारीया प्रतिबंधात्मक आदेशानुसार पावसामुळे निर्माण झालेले नैसर्गिक धबधबे, धरण परिसरामध्ये मद्यपान करण्यास किंवा मद्यधुंद अवस्थेत प्रवेश करणे, मद्य बाळगणे, मद्य वाहतूक करणे, अनधिकृत मद्य विक्री करणे व उघडयावर मद्य सेवन करणे, पावसामुळे धोकादायक झालेली ठिकाणे, धबधबे, दऱ्यांचे कठडे, धोकादायक वळणे इ.ठिकाणी सेल्फी काढण्यास व कोणत्याही स्वरुपाचे चित्रीकरण करणे तसेच रहदारीवर परिणाम करणाऱ्या ठिकाणी फोटोग्राफी करणे, पावसामुळे वेगाने वाहणाऱ्या पाण्यांत, खोलपाण्यात उतरणे व त्यामध्ये पोहणे, धबधब्यावर जाणे अथवा पाण्याच्या प्रवाहाखाली बसणे, वाहतुकीचे रस्ते तसेच धोकादायक ठिकाणी वाहने थांबवणे, वाहन अतिवेगाने चालविणे तसेच वाहतुकीवर परिणाम/अडथळा होईल अशाप्रकारे वाहन चालविणे, वाहनाची ने-आण करताना बेदकारपणे वाहन चालवून इतर वाहनांना धोकादायक स्थितीत ओव्हरटेक करणे, सार्वजनिक ठिकाणी खाद्यपदार्थ, कचरा, काचेच्या व प्लॅस्टीकच्या बाटल्या, थर्माकोलचे साहित्य उघडयावर इतरत्र फेकणे, सार्वजनिक ठिकाणी येणाऱ्या महिलांची छेडछाड करणे, टिंगलटवाळी करणे, माहिलांशी असभ्य वर्तन करणे, असभ्य व अश्लील हावभाव करणे, शेरेबाजी करणे, अथवा लज्जा निर्माण होईल असे कोणतेही वर्तन करणे, सार्वजनिक ठिकाणी मोठया आवाजात संगीत यंत्रणा वाजवणे, डि.जे. सिस्टीम वाजवणे, गाडीमधील स्पिकर/ फर वाजविणे व त्यामुळे ध्वनी प्रदूषण करणे, ज्या कृतीमुळे ध्वनी, वायू व जल प्रदूषण होईल अशी कोणतीही कृती करणे, धबधब्याच्या/ धरणाच्या 1 कि.मी. परिसरात सर्व दुचाकी, चार व सहा चाकी वाहनांना प्रवेश (अत्यावश्यक सेवा वगळून) या अशा प्रकारचे वर्तन करण्यास प्रशासनाने बंदी घातली आहे, याची नागरिकांनी गांभीर्याने नोंद घ्यावी, असे आवाहन महाड उपविभागीय अधिकारी डॉ.ज्ञानोबा बानापुरे यांनी केले आहे.