जिन्सी पोलिस ठाण्यात फसवणूक प्रकरणात गुन्हा दाखल आहे. या प्रकरणात साक्षीदार असलेल्या व्यक्तीलाच गुन्ह्यात अडकविण्याची धमकी उपनिरीक्षक मुस्ताक यांनी दिली. गुन्हा दाखल करायचा नसल्यास ५० हजार रुपये देण्याची मागणी केली. तडजोडीअंती ३० हजार रुपये देण्याचे कबूल केले. परंतु ज्यावेळी पैसे देण्यास गेले असता अश्फाकने याच प्रकरणात अटक केलेल्या तीन आरोपींकडे शिल्लक असलेले १ लाख १० रुपये देण्याची मागणी केली. तडजोडीअंती ७० हजार रुपये हजार रुपये देण्याचे ठरले. पूर्वीचे ७० हजार आणि आताचे ३० हजार असे एकूण १ लाख रुपयांची लाच अश्फाकने मागितली. परंतु त्रासलेल्या साक्षीदाराने लाचलुचपत प्रतिबंधक विभाग गाठून तक्रार केली. त्यानंतर १ लाख रुपयांची लाच स्वीकारताना अश्फाकला शुक्रवारी रात्री १० वाजता अटक केली. या घटनेने शहर पोलिस विभागात खळबळ उडाली.
आरोपीला पकडण्यासाठी पोलीस बनले ग्राहक; लाखोंचे बनावट मीटर रॅकेटचा पर्दाफाश, काय घडलं?
लाच प्रकरण समोर येताच पोलिस आयुक्त मनोज लोहिया यांनी जिन्सी पोलिस ठाण्याचे पोलिस निरीक्षक अशोक भंडारी यांची तडकाफडकी बदली विशेष शाखेत केली.