कोल्हापुरातील दसरा चौक येथील द मोहामेडन एज्युकेशन सोसायटीच्या मुस्लिम बोर्डिंगवर दावा सांगणारा वक्फ बोर्ड उद्या विशाळगडावरील असलेल्या दर्ग्यावर दावा सांगतील आणि अख्खा विशालगड आमचा आहे, असे सांगण्यासही मागे-पुढे पहाणार नाही. ही मूळ जागा छत्रपती शाहू महाराज यांची असल्याने या प्रकरणी छत्रपती शाहू महाराज यांनी लक्ष घालावे. वक्फ बोर्डाने ही सोसायटी ताब्यात घेण्यापेक्षा हा सर्व ट्रस्ट त्यांनीच ताब्यात घ्यावा, अशीही मागणी हिंदुत्ववादी संघटनांच्या पदाधिकाऱ्यांनी केली आहे. राजर्षी शाहू महाराजांनी ही भूमी मुस्लिमांसह अन्य समाजातील विद्यार्थ्यांच्या शिष्यवृत्तीसाठी उत्पन्नाचे साधन मिळावे, म्हणून दिली होती. ती केवळ मुस्लिम वा धार्मिक प्रयोजनासाठी दिलेली नव्हती.