म. टा. वृत्तसेवा, नवी मुंबई : वाशीतील एका इंग्रजी माध्यमाच्या शाळेत सहावीत शिकणारी विद्यार्थिनी शनिवारी सकाळी शाळेतील शौचालयात मृतावस्थेत सापडल्याची धक्कादायक घटना उघडकीस आली आहे. शौचालय साफ करणारी महिला सफाईसाठी गेल्यानंतर हा प्रकार उघडकीस आला. आजारपणामुळे या विद्यार्थिनीचा मृत्यू झाल्याचा प्राथमिक अंदाज असून, वाशी पोलिसांकडून या प्रकरणाचा तपास करण्यात येत आहे.
मिळालेल्या माहितीनुसार, या घटनेतील ११ वर्षीय मृत विद्यार्थिनी कोपरखैरणे येथे वास्तव्यास होती. सकाळी १०च्या सुमारास मधल्या सुट्टीत ती तिसऱ्या मजल्यावरील शौचालयात गेली. बराच वेळ होऊनही माघारी न परतल्याने वर्गातील इतर विद्यार्थ्यांनी शिक्षिकेला याबाबतची माहिती दिली. त्यानंतर या विद्यार्थिनीचा शोधा सुरू असतानाच साफसफाई करणारी महिला तिसऱ्या मजल्यावर गेली असता, एका शौचालयाचा दरवाजा बंद असल्याचे व आतून काहीच प्रतिसाद येत नसल्याचे तिच्या लक्षात आले.
मिळालेल्या माहितीनुसार, या घटनेतील ११ वर्षीय मृत विद्यार्थिनी कोपरखैरणे येथे वास्तव्यास होती. सकाळी १०च्या सुमारास मधल्या सुट्टीत ती तिसऱ्या मजल्यावरील शौचालयात गेली. बराच वेळ होऊनही माघारी न परतल्याने वर्गातील इतर विद्यार्थ्यांनी शिक्षिकेला याबाबतची माहिती दिली. त्यानंतर या विद्यार्थिनीचा शोधा सुरू असतानाच साफसफाई करणारी महिला तिसऱ्या मजल्यावर गेली असता, एका शौचालयाचा दरवाजा बंद असल्याचे व आतून काहीच प्रतिसाद येत नसल्याचे तिच्या लक्षात आले.
याबाबत महिलेने शिक्षकांना माहिती दिल्यानंतर दरवाजा तोडण्यात आला. यावेळी ही विद्यार्थिनी बेशुद्धावस्थेत आढळून आली. तिला तत्काळ महापालिकेच्या रुग्णालयात दाखल करण्यात आले. मात्र डॉक्टरांनी तिला मृत घोषित केले.
दरम्यान, या घटनेची माहिती मिळताच वाशी पोलिसांनी शाळेत धाव घेतली. ही विद्यार्थिनी आजारी असल्याचे व तिच्यावर काही वर्षांपासून उपचार सुरू असल्याचे सांगितले जात आहे. या आजारपणामुळेच तिचा मृत्यू झाल्याचा प्राथमिक अंदाज व्यक्त करण्यात येत आहे. मात्र, शवविच्छेदन अहवालानंतरच तिच्या मृत्यूचे कारण स्पष्ट होणार आहे.