रेल्वे मार्गाविषयी…

– बडनेरा-वाशीम हा १०८ किलोमीटरचा रेल्वे मार्ग.
– ७७३ हेक्टर शेतजमिनीची आवश्यकता राहणार.
– या मार्गावर नऊ मोठे पूल, ११६ लहान पूल बांधणार.
– रेल्वेमार्ग १५ पुलांवरून व २३ पुलांखालून जाईल.
– नऊ रेल्वेस्थानकांची निर्मिती केली जाईल.

दिल्ली-बेंगळुरुसाठी तिसरा पर्याय

बडनेरा-वाशीम या रेल्वे मार्गामुळे दिल्लीवरून बेंगळुरुला जाण्यासाठी सध्या नवी दिल्ली, इटारसी, खंडवा, भुसावळ, दौंड, मीरज, वेल्लोर, बंगळुरू असा एक मार्ग आहे. तर नवी दिल्ली, इटारसी, आमला, नागपूर, बल्लारशा, विजयवाडा, तिरुपती, बेंगळुरु हा दुसरा मार्ग आहे. या दोन्ही मार्गाला पर्यायी मार्ग म्हणून नवी दिल्ली, इटारसी, नरखेड, बडनेरा, वाशीम, हिंगोली, लातूर, वाडी, गुंटूर, बेंगळुरू हा तिसरा पर्यायी मार्ग उपलब्ध होणार आहे. यामुळे दिल्ली-बेंगळुरू हे अंतर ६३५ किलोमीटरने कमी होईल. प्रवाशांचा आठ तासांचा वेळ वाचणार आहे. तर नांदेड- अमृतसरदरम्यानचे अंतर ३२५ किलोमीटरने कमी होऊन चार तासांची बचत होणार आहे. रेल्वेची वीज व डिझेल वाचविणारा तिसरा हा पर्यायी मार्ग आहे.
ना स्पेशल ट्रेन, ना फेऱ्या अधिक; तरीही उत्पन्नात महाराष्ट्रातल्या या शहराचा डंका, रेल्वेच्या तिजोरीत पैसाच पैसा
आजवर काय घडले?

– रेल्वे विकास समितीचे जुगलकिशोर कोठारी, गुरुमुखसिंग गुलाटी यांचे प्रयत्न.
– प्रतिभाताई पाटील राष्ट्रपती असताना डॉ. देवीसिंग शेखावत यांचा पुढाकार.
– उपमुख्यमंत्री अजित पवार यांनी बैठक घेऊन प्रकल्प अहवाल बनविला.
– सरकार बदलानंतर प्रश्न रखडला. २०१८मध्ये नव्याने चर्चेला आला.
– रेल्वे विकास समितीने मुद्दा लावून धरल्याने केंद्रीय मंत्री नितीन गडकरींनी लक्ष घातले.
– सर्वेक्षणाचे काम पुन्हा सुरू झाले.
– तत्कालीन खासदार डॉ. विकास महात्मे यांनी हा प्रश्न मनावर घेतला.
– सर्वेक्षणाचे काम कोणत्याही त्रुटीविना पूर्ण झाले.