कोण आहेत मकरंद पाटील?

• राष्ट्रवादीचे ज्येष्ठ नेते आणि माजी खासदार लक्ष्मणराव पाटील यांचे ते चिरंजीव
• राष्ट्रवादी स्थापनेवेळी लक्ष्मणराव पाटलांनी पवारांना जिल्ह्यातून पहिल्यांदा पाठिंबा दिला होता.
• सातारा जिल्हा सरकारी बँकेच्या माध्यमातून त्यांनी कार्यकर्ता तयार केलाय.
• मकरंद पाटील बोपेगावचे सरपंच झाले, ओझर्डे गटातून जिल्हा परिषद सदस्य झाले.
• २००४ ला वाई मतदारसंघातून मदन भोसलेंविरोधात विरोधात त्यांनी विधानसभेची निवडणूक लढवली, पण पराभव
• त्यानंतर २००९ ला वाई-महाबळेश्‍वर-खंडाळा मतदारसंघातून प्रथमच आमदार म्हणून निवडून आले.
• पुढे २०१४, २०१९ ला याच मतदारसंघातून आमदार होत त्यांनी हॅट्रिक केली.

अजितदादांच्या बंडानंतर चार दिवस वाई-खंडाळा-महाबळेश्वर तालुक्यातील कार्यकर्त्यांशी, किसन वीर कारखान्याच्या सभासदांशी मकरंद पाटलांनी चर्चा केली. शरद पवारांवर आमचे सगळ्यांचे प्रेम आहे मात्र किसन वीर आणि खंडाळा साखर कारखान्याच्या हिताच्या दृष्टीने त्यांनी अजित पवारांसोबत जावे, असा सूर कार्यकर्त्यांकडून धरला. आता मकरंद पाटील हे अजितदादांसोबत गेले असले तरी आगामी काळात त्यांच्या अडचणी वाढण्याची शक्यता आहेत.

• गेली तीन टर्म आमदार असलेल्या मकरंद पाटलांचे मदन भोसले हे विरोधक आहेत.
• मदन भोसले हे काँग्रेसचे माजी खासदार प्रतापराव भोसले यांचे पुत्र आहेत.
• प्रतापराव भोसले हे काँग्रेसचे निष्ठावंत असून शरद पवारांशी त्यांचे जुने संबंध आहेत.
• बदलत्या राजकीय घडामोडींनंतर २०१९ ला मदन भोसलेंनी भाजपत प्रवेश केला.
• आता आगामी काळात महायुतीतून कोणता उमेदवार लढतो हे पाहावं लागेल.

एकीकडे मकरंद पाटील यांच्या विरोधात शरद पवार गटाकडून कोण लढू शकतं याबाबत अस्पष्टता आहे. मतदारसंघात कोण उमेदवार लढू शकतो याची चाचपणी देखील केली जाऊ शकते. तर दुसरीकडे महायुतीत काय होतं हेही पाहणं महत्त्वाचं आहे. कारण जागावाटपासंदर्भात काय होतं? भाजप आणि अजितदादा गट हे वेगवेगळे निवडणुका लढवतात की एकत्र हेही पाहणं महत्त्वाचं आहे. पण मकरंद पाटलांनी अजितदादांच्या गटात जाण्यासाठी कार्यकर्ते आणि कारखान्याची वापरलेली ढाल, हा वाई-महाबळेश्वरमध्ये चर्चेचा विषय ठरलाय.