गोव्याला जाताना मध्यरात्री भीषण अपघात, एकाचा जागीच मृत्यू, अजित पवारांना एकच फोन; अन्…

‘शरद पवारांच्या सभेला उपस्थित राहा’

‘आपली लढाई साहेबांशी नाही. मी तर उलट सांगेन, आपल्या आंबेगावमध्ये जेव्हा सभा होईल, तेव्हा तुम्ही सगळे त्या सभेला आवर्जून जा. उद्याच्या निवडणुकीत काय होईल, याची मी चिंता करत नाही,’ असंही वळसे पाटील यांनी म्हटलं आहे. तसंच काहींनी निष्ठेचा प्रश्न निर्माण केलाय. वळसे पाटलांनी निष्ठा विकली असं ते म्हणत आहेत. ठीक आहे, मला त्याची शिक्षा द्या. ज्यांना कारखान्याचे अध्यक्ष केलं, लोकसभेचे तिकीट दिले. आता त्यांनी वेगळी भूमिका घेतली आहे. त्यांनी नशीब अजमवायला हरकत नाही, असा टोला वळसे पाटील यांनी देवदत्त निकम यांना लगावला आहे.

‘शरद पवारांची साथ सोडताना माझ्यासमोर मोठा पेच होता…’

‘माझ्यासमोर मोठा पेच होता. मधल्या काळात एक घटना घडली. पाठबंधारे विभागाकडे एक प्रस्ताव आला. डिंभे धरणाचे पाणी बोगदा करून पलीकडे न्यायचं. पाणी आपली वैयक्तिक मालमत्ता नाही. अहमदनगर जिल्ह्याचा मी पालकमंत्री होतो, तेव्हा पाण्यावरून वाद होऊ दिला नाही. मग मी पवार साहेबांकडे गेलो, दोन तीन बैठकाही झाल्या. पण ७१२ मीटर बोगद्यावर घ्यायचं ठरलं. मात्र या सरकारने निर्णय घेतला की बोगदा एकदम धरणाच्या तळाला घ्यायचा. देवेंद्र फडणवीस यांनी तसा प्रस्ताव पाठवलाही आहे. डिंभेचा बोगदा जेव्हा व्हायचा तेव्हा होईल. आंबेगाव, जुन्नर, शिरूर आणि पारनेर तालुक्यात जे ६५ बंधारे बांधले आहेत. हे बंधारे पावसाने भरेल तितकंच पाणी मिळेल, धरणातून पाणी मिळणार नाही, असं सरकारने म्हटलं. या परिसरात पाच साखर कारखाने आहेत, मग उसाला पाणी मिळालं नाही आणि ऊस पिकला नाही तर शेतकऱ्यांची आर्थिक परिस्थिती बिघडून जाईल. म्हणून आपण परिस्थिती बदलण्याचा प्रयत्न केला. मी काय हयातभर आमदार राहणार नाही. मात्र अशी परिस्थिती झाली तर आपला परिसर दुष्काळी झाल्याशिवाय राहणार नाही. हे मनाला खटकत होतं. एका बाजूला तालुक्याचा प्रश्न आणि दुसरीकडे पवारसाहेबांचे प्रेम असा पेच निर्माण झाला. काही लोक म्हणतील की सत्तेच्या बाहेर राहून ही झालं असतं, मात्र अशा कामांना सत्तेत राहणं गरजेचं असतं. म्हणून आम्ही हा निर्णय घेतला,’ असा दावा वळसे पाटील यांनी आपल्या भाषणात केला आहे.