म. टा. प्रतिनिधी, छत्रपती संभाजीनगर: कोव्हिडची दोन वर्षे देहदानाला फटका बसला आणि देहदानाचे प्रमाण चक्क निम्म्यावर आले. आता कोव्हिडनंतर पुन्हा एकदा देहदानाचे प्रमाण वाढत असल्याचे स्पष्ट झाले आहे. अर्थात, एकूण वैद्यकीय विद्यार्थी संख्येच्या प्रमाणात आणि विद्यार्थ्यांना अधिकाधिक सखोल अभ्यास करता यावा, यासाठी देहदानाचे प्रमाण आणखी वाढणे गरजेचे असल्याचे मत तज्ज्ञांनी व्यक्त केले आहे.
२०१९ मध्ये घाटीतील शरीररचनाशास्त्र विभागात ७ महिला व ११ पुरुष अशा एकूण १७ मृतहेदांचे दान झाले. त्यानंतरच्या दुसऱ्या वर्षात म्हणजेच २०२० मध्ये कोव्हिडचा फटका बसून २ महिला व ८ पुरुष अशा एकूण १० मृतदेहांचे दान झाले. तशीच परिस्थिती २०२१ मध्ये होती आणि ४ महिला व ८ पुरुष अशा एकूण १२ मृतदेहांचे दान झाले. त्यानंतर मागच्या वर्षी कोव्हिड ओसरल्यानंतर १० महिला व १० पुरुष अशा एकूण २० मृतदेहांचे दान झाल्यामुळे पुन्हा एकदा देहदान वाढल्याचे स्पष्ट झाले आहे.
२०१९ मध्ये घाटीतील शरीररचनाशास्त्र विभागात ७ महिला व ११ पुरुष अशा एकूण १७ मृतहेदांचे दान झाले. त्यानंतरच्या दुसऱ्या वर्षात म्हणजेच २०२० मध्ये कोव्हिडचा फटका बसून २ महिला व ८ पुरुष अशा एकूण १० मृतदेहांचे दान झाले. तशीच परिस्थिती २०२१ मध्ये होती आणि ४ महिला व ८ पुरुष अशा एकूण १२ मृतदेहांचे दान झाले. त्यानंतर मागच्या वर्षी कोव्हिड ओसरल्यानंतर १० महिला व १० पुरुष अशा एकूण २० मृतदेहांचे दान झाल्यामुळे पुन्हा एकदा देहदान वाढल्याचे स्पष्ट झाले आहे.
सरत्या वर्षात म्हणजेच २०२३ या वर्षात आतापर्यंत ३ महिला व ४ पुरुष अशा एकूण ७ मृतदेहांचे दान झाले आहे. दरम्यान, कोव्हिड काळात देहदान स्वीकारण्यापूर्वी केली जाणारी आरटी-पीसीआर चाचणी आता केली जात नाही. मात्र, पूर्वीप्रमाणे देहदान करणाऱ्या व्यक्तीचे मृत्यू प्रमाणपत्र, ओळखपत्राची सत्यप्रत, दोन पासपोर्ट आकाराचे फोटो, तसेच सोबत असलेल्या नातेवाईकाच्या ओळखपत्राची सत्यप्रत असणे आवश्यक आहे. देहदान करणाऱ्या संबंधित व्यक्तीने देहदानाचा अर्ज भरलेला असणे आवश्यक नाही, याकडे घाटीतील शरीररचनाशास्त्र विभागाने प्रमुख व परभणी येथील शासकीय वैद्यकीय महाविद्यालयाचे प्रभारी अधिष्ठाता डॉ. शिवाजी सुक्रे यांनी लक्ष वेधले.
अशा कारणांमुळे स्वीकारता येत नाही देहदान :
मृतदेह कुजण्याची प्रक्रिया सुरू झाल्यास, गुप्तरोग, कावीळ ब, बेड सोर्स, क्षयरोग, धर्नुवात, रक्तातील जंतुसंसर्ग असल्यास आणि अपघात झाला असल्यास देहदान स्वीकारता येत नाही. तसेच शवविच्छेदन अहवालानंतरही देहदान स्वीकारता येत नाही.
LPG Cylinder Price: महागाईचा बॉम्ब पुन्हा फुटला; एलपीजी गॅस सिलिंडर महागला, पाहा काय आहे नवीन दर
वैद्यकीय अभ्यासक्रमाच्या पहिल्या वर्षापासून ते पदव्युत्तरस्तरापर्यंत विविधस्तरीय अभ्यासासाठी मृतदेहांची गरज असते. त्याशिवाय वैद्यकीय अभ्यास होणे अशक्य आहे. कोव्हिडनंतर देहदान वाढत असले तरी घाटीतील प्रत्येक वर्षाला असलेल्या २०० विद्यार्थीसंख्येच्या प्रमाणात होणारे देहदान कमीच आहे. हे प्रमाण वाढले तर इतर वैद्यकीय महाविद्यालयांना मृतदेह देण्याचा विचार होऊ शकतो, अशी प्रतिक्रिया घाटी शरीररचनाशास्त्र विभागप्रमुख डॉ. शिवाजी सुक्रे यांनी दिली.
MHADA : म्हाडाच्या घरांसाठी अर्ज करणाऱ्यांसाठी मोठी बातमी,अखेरचे काही दिवस शिल्लक, आतापर्यंत किती अर्ज आले?