अभिजीत, झैद आणि रोहित हे तिघेही दुचाकीवर होते. दारूच्या नशेत हे लोक रस्त्यावरील लोकांना चाकू दाखवून स्टंट करत होते. या आरोपींनी दारूच्या दुकानातही गोंधळ घातला. त्यानंतर भीती पसरवण्यासाठी त्यांनी महिलेवर हल्ला केला. फिर्यादी सोनाली श्रीवास्तव (वय ३९, रा. गोधनी रेल्वे) यांनी घरी जाण्यासाठी बस पकडली. नागपूर महानगर पालिका ‘आपली बस’ क्रमांक एमएच-४०-बीएल-३९२४ हे मोती महल हॉटेल, सदर, नागपूर येथून गोधनी बसस्थानकाकडे घरी परतत होते.
दुपारी सव्वाचार ते साडेचारच्या दरम्यान बस पागलखाना चौक येथे सिग्नल ओलांडत होती. त्यावेळी तीन आरोपी दुचाकीवरुन आले आणि दुचाकीच्या मागे बसलेल्या एका व्यक्तीने बसच्या बाहेरून बसमध्ये चाकू फेकला. त्यांना काही समजण्यापूर्वीच त्यांनी महिलेवर चाकूने वार करून तिला रक्तबंबाळ केलं. त्यानंतर आरोपींनी तेथून पळ काढला. काही अंतरावर बस थांबली.
चालक आणि वाहकाच्या मदतीने महिलेवर उपचार करण्यात आले. त्यांनी पोलिस स्टेशन गाठून संपूर्ण प्रकार सांगितला. घटनेचे गांभीर्य पाहता पोलिसांनी गुन्हा दाखल करून तात्काळ कारवाई करत दोघांना अटक केली. सध्या पोलिस फरार रोहितचा शोध घेत आहेत.