‘बहुलकर चित्रकारच नाहीत तर आता लेखक म्हणूनही प्रसिद्ध झाले आहेत, त्यांनी लिहिलेल्या पुस्तकातून याची प्रचिती येते, असे एलकुंचवार म्हणाले. लहानपणापासून कलेचे संस्कार होण्याची गरज आहे. शाळांमध्येच असे शिक्षण दिले तर विद्यार्थ्यांमध्ये रूची निर्माण होईल, ब्रिटीशकालीन शिक्षणपद्धतीत बदल होण्याची गरज आहे. आई-वडीलच अनभिज्ञ असतात, ते मुलांना कसे सांगणार, संग्रहालय दाखविण्यासाठी किती पालक मुलांना घेऊन जातात, असे सवाल उपस्थित करत सजग पालकांची संख्या वाढण्याची गरज, एलकुंचवार यांनी व्यक्त केली. प्रास्ताविक प्रफुल्ल शिलेदार यांनी, तर सूत्रसंचालन वृषाली देशपांडे यांनी केले.

‘चांगले आहे ते स्वीकारा’

‘इतिहास घडविणाऱ्यांची ओळख आपल्याला नाही. यासाठी सरकार सुसंस्कृत हवे. नागरिकांनीही तशी मागणी सरकारकडे करणे गरजेचे आहे. जे चांगेल आहे, ते स्वीकारणे हाच भारतीय संस्कृतीचा मूळ गाभा आहे. मी हेच करणार, अशा चौकटीत राहू नका. जगात जे चांगले दिसते त्याची चोरी करा. थोर संस्काराची चोरी करा, मात्र त्यासाठी ताकद लागते’, असे ज्येष्ठ नाटककार महेश एलकुंचवार म्हणाले.
विठ्ठल-रखुमाई अवतरलेली विहीर प्रति पंढरीत सापडली; ३५० वर्ष जुन्या मंदिराची आख्यायिका काय?
‘आपल्याकडे भारतीय शैलीची कला होती, आक्रमण झाल्यामुळे त्यात बदल होत गेले. याचा सर्वांत जुना पुरावा अजिंठ्याचा आहे. आपल्या देशातील लोकांना येथीलच कलावंत माहीत नसतात, ही एलकुंचवार यांच्या मनातील खंत माझ्याही मनात आहे. ही खंत दूर करण्यासाठीच ग्रंथ प्रकाशित करण्यात आले आहेत. २०० वर्षांतील महत्त्वाच्या चित्रकारांचा उल्लेख यात करण्यात आला’, असे चित्रकार-लेखक सुहास बहुळकर यांनी सांगितले.