म. टा. विशेष प्रतिनिधी, नाशिक : राज्याचे ग्रामविकास मंत्री गिरीश महाजन आणि संभाजीराजे छत्रपती यांच्यामागे सावलीसारख्या वावरणाऱ्या आरोग्यदूत तुषार जगतापचा संबंध गुटखा प्रकरणाशी जोडला गेल्यानंतर भाजपसह राजकीय वर्तुळात खळबळ उडाली आहे. तत्कालीन पोलीस अधीक्षक सचिन पाटील यांचा वरदहस्त लाभल्यामुळे अधिकच चर्चेत आलेल्या जगतापची प्रगतीही डोळे दीपावणारी आहे. राजकीय तसेच प्रशासनातील व्हीआयपींसोबतची ऊठबस मात्र आता जगतापच्याच अंगलट आली आहे. दरम्यान, काही बड्या अधिकाऱ्यांच्या भांडणात आपल्याला गोवले जात असल्याचा खुलासा जगताप याने केला आहे.
गिरीश महाजन हे आरोग्यसेवेत काम करत असल्यामुळे जगताप हा महाजनांच्या संपर्कात आला. त्यात महाजन हे नाशिकचे पालकमंत्री झाल्यामुळे जगतापच्या आरोग्यसेवेतील कामगिरी पाहून ते चांगलेच भारावले होते. त्यामुळे महाजन यांच्या प्रत्येक दौऱ्यात जगताप हा मागेपुढे करताना दिसायचा. त्यामुळे या ओळखीचा फायदा त्याने प्रशासनातील अधिकाऱ्यांबरोबर करीत विविध व्यवसायात जम बसवला.
गिरीश महाजन हे आरोग्यसेवेत काम करत असल्यामुळे जगताप हा महाजनांच्या संपर्कात आला. त्यात महाजन हे नाशिकचे पालकमंत्री झाल्यामुळे जगतापच्या आरोग्यसेवेतील कामगिरी पाहून ते चांगलेच भारावले होते. त्यामुळे महाजन यांच्या प्रत्येक दौऱ्यात जगताप हा मागेपुढे करताना दिसायचा. त्यामुळे या ओळखीचा फायदा त्याने प्रशासनातील अधिकाऱ्यांबरोबर करीत विविध व्यवसायात जम बसवला.
Weather Forecast: देशभर मान्सून कोसळला, अनेक राज्यांत मुसळधार पावसाचा अंदाज, मुंबईसह ८ जिल्ह्यांना अलर्ट
माध्यमक्षेत्रातही त्याने पाऊल ठेवले होते. त्यानंतर मराठा क्रांती मोर्चाच्या निमित्ताने जगताप हा काही काळ संभाजीराजे छत्रपती यांच्या संपर्कात आला. संभाजीराजेंच्या दौऱ्यांचे नियोजन करण्यासह त्यांच्यासोबत जगतापचा वावर वाढला. परंतु, जगतापचे कारनामे माहीत झाल्यामुळे संभाजीराजेंनी जगतापला लांब केल्याचा दावा त्याचे समर्थक आता करत आहेत.
राजकीय तसेच प्रशासकीय क्षेत्रातील ऊठबस असताना सचिन पाटील यांच्या कार्यकाळात पोलीस दलात त्याचा वावर चांगलाच वाढला. पाटील यांच्याशी जगतापचा घरोबा पाहून पोलीस दलातील अधिकारीही अचंबित झाले होते. महाजन यांच्यासोबतच्या ऊठबसमुळे जगतापची भाजपमध्येही वट वाढली होती. त्यामुळे या प्रकरणाशी संबंध येताच भाजपमध्येही खळबळ उडाली आहे.
महाजनांचे समर्थक वादात
गिरीश महाजन हे नाशिकचे पालकमंत्री असताना त्यांनी रम्मी राजपूतवर वरदहस्त ठेवला होता. गुन्हेगारी क्षेत्रातील त्याच्या कारवाया माहित असतानाही महाजन यांनी राजपूतला जवळ केले होते. त्यानंतर राजपूत हा गंगापूरच्या रमेश मंडलिक खून प्रकरणात अडकला होता. भूमाफिया प्रकरणात त्याच्यावर मकोकाही लावण्यात आला होता. महाजन यांच्याच आशीर्वादाने शहरातील अनेक गुन्हेगार भाजपमध्ये ‘सेटल’ होऊन पावन झाले आहेत. त्यात आता तुषार जगतापचीही भर पडल्याचे चित्र आहे. त्यामुळे अशा प्रकरणातून आता महाजन हे धडा घेतील का, असा प्रश्न नाशिककर उपस्थित करत आहेत.
या गुटखा प्रकरणाशी आपला संबंध नाही. संबंधित आरोपीला भेटलोही नाही आणि आर्थिक व्यवहारही त्याच्यासोबत नाही. त्यामुळे आपणास न्यायालयानेही तात्काळ जामीन दिला आहे. केवळ काही अधिकाऱ्यांना अडचणीत आणण्यासाठी माझा वापर केला जात आहे.
– तुषार जगताप, आरोग्यदूत
MPSC विद्यार्थ्यांसाठी महत्वाची बातमी; मुलाखतीसाठी पात्र उमेदवारांची आता आणखी एक ‘परीक्षा’