जालना : शहरातील अंबड चौफुली ते मंठा चौफुली दरम्यानच्या रेल्वे उड्डाण पुलाजवळ संध्याकाळी साडेसात वाजेच्या सुमारास भीषण अपघात झाला. ट्रकच्या धडकेत ३ मुलांचा जागीच मृत्यू झाला.रविवारची सुट्टी असल्याने मुलांची हौस आणि मुलांसाठी खरेदी करण्यासाठी सय्यद शोएब हे आपल्या मुलीला आणि दोन भाच्यांना घेऊन मंठा चौफुलीजवळ असलेल्या डी मार्टमध्ये खरेदी करण्यासाठी गेल्याची प्राथमिक माहिती समोर येत आहे. मोटारसायकलवर पुढे एक मुलगी आणि मागे दोन मुलांना घेऊन सय्यद शोएब निघाले होते. परत येत असताना रेल्वे उड्डाण पुलाजवळ वेगाने जाणाऱ्या आयशरने ओव्हरटेक करत दुचाकीला जोरदार धडक दिली. या धडकेत तट्टूपुरा मुजाहेद चौक भागात राहणारे नुरैन शेख (वय ७ वर्षे), आदीबा फातेमा सय्यद शोएब (वय ५ वर्षे), आयेजा फातेमा शेख (वय ५ वर्षे) ही चिमुकले जागेवरच ठार झाली. तर सय्यद शोएब (वय ४० वर्षे) हे या अपघातातून थोडक्यात वाचले.
बोकडाच्या संरक्षणासाठी चार पाच जणांचा ताफा, लाखो रुपयांची हमी, शेतकऱ्यानं एवढी फिल्डिंग लावली कारण…
सय्यद शोएब यांच्या डोळ्या देखत त्यांची मुलगी आणि दोन भाच्यांचा मृत्यू झाला. या घटनेने परिसरात हळहळ व्यक्त होत आहे. या भयानक अपघातानंतर वाहनचालक ट्रक घेऊन फरार झाला आहे. सय्यद शोऐब हे किरकोळ जखमी असून त्यांच्यावर जालन्यातील खासगी दवाखान्यात उपचार सुरू आहेत.
किंचाळण्याचा आवाज ऐकताच पत्नी घराबाहेर आली, चिंचेच्या झाडाखाली पती रक्ताच्या थारोळ्यात, नेमकं काय घडलं?
तीन चिमुकल्यांच्या अपघातात मृत्यू झाल्याची बातमी वाऱ्यासारखी पसरताच परिसरातील नागरीकांनी घटनास्थळी एकच गर्दी केली. या घटनेची माहीती कळताच पोलीसही घटनास्थळी पोहोचले. कदीम जालना पोलीस ठाण्याचे पोलीस निरीक्षक माने, पोलीस उपनिरीक्षक नागरे यांनी आपल्या फौजफाट्यासह घटनास्थळी भेट दिली. या घटनेचा पुढील तपास कदिम जालना पोलीस करत आहेत.डोक्यावर विशिष्ट खूण असलेल्या बोकडाची अख्ख्या जालन्यात चर्चा; किंमत तब्बल १२ ते १५ लाख रुपये
