क्रिप्टोद्वारे होतात पैसे जमा

या प्रकरणाचा सखोल तपास केला असता धक्कादायक माहिती समोर आली. ठकबाज ओळखीच्या व्यक्तींच्या खात्याचा वापर करतात. त्यांना एक ते २० टक्क्यांपर्यंत आलेल्या पैशातून कमिशन दिले जाते. तसेच बँकेतून एका वेळी ५०-५० लाख रुपये काढण्यात येतात. हवालाद्वारेही रक्कम संबंधित व्यक्तीपर्यंत पोहोचवली जाते. व्यास याच्याकडे काही भागाची जबाबदारी सोपविण्यात आली होती. व्यासने काही दिवसांपूर्वी बायनान्स नावाच्या चीनमधील नागरिकाला क्रिप्टो करन्सीद्वारे २० लाख रुपये वळते केल्याचे चांडक यांनी सांगितले.
सावधान! मोठ्या २० बॅंक खात्यांवर चोरट्यांची नजर; सायबर पोलिसांनी कंपन्यांना केलं अलर्ट
अशी होते फसवणूक

टास्क देऊन फसवणूक करणारे सायबर ठकबाज तीन टप्प्यांत काम करतात. पहिल्या टप्प्यात संबंधित व्यक्तीला टास्क दिला जातो. लाइक, रिव्ह्यूचा टास्क देऊन त्याच्या खात्यात पैसे जमा केले जातात. याद्वारे संबंधित व्यक्तीचा विश्वास संपादन करण्यात येतो. त्यानंतर जाळे फेकण्यात येते. व्यक्तीला मोठ्या रकमेचे टास्क देण्यात येऊन त्यांना जाळ्यात अडकविण्यात येते. त्यानंतर फसवणूक करण्यात येते. या सर्वांसाठी सायबर गुन्हेगारांच्या विविध टोळ्या काम करतात.