म. टा. प्रतिनिधी, मुंबई : हार्बर मार्गावरील प्रवासात तरुणीचा विनयभंग झाल्याचा प्रकार समोर आला आहे. मंगळवारी नेरुळ येथून रात्री साडेआठ वाजण्याच्या सुमारास पनवेलला निघालेल्या लोकलमध्ये विनयभंग झाल्याची तक्रार या महिलेने नोंदवली होती. या प्रकरणी निषाद धारीया याला रेल्वे पोलिसांनी बेड्या ठोकल्या आहेत.
२० जून रोजी नेरूळ-पनवेल लोकलच्या पनवेल दिशेकडील दिव्यांग डब्यामागील सामान्य डब्यात एक तरूणी आपल्या होणाऱ्या पतीसोबत प्रवास करत होती. यावेळी निषाद धारिया याने तिला धक्का देण्यास सुरुवात केली. सुरुवातीला तरुणी सावरून उभी राहिली मात्र, बेलापूर ते खारघरपर्यंत वारंवार शारीरिक लगट करण्याचा प्रयत्न करत होता. या तरूणीने पनवेल रेल्वे पोलीस गाठत या प्रकरणी तक्रार दाखल केली असून धारियाला अटक करण्यात आली आहे.
२० जून रोजी नेरूळ-पनवेल लोकलच्या पनवेल दिशेकडील दिव्यांग डब्यामागील सामान्य डब्यात एक तरूणी आपल्या होणाऱ्या पतीसोबत प्रवास करत होती. यावेळी निषाद धारिया याने तिला धक्का देण्यास सुरुवात केली. सुरुवातीला तरुणी सावरून उभी राहिली मात्र, बेलापूर ते खारघरपर्यंत वारंवार शारीरिक लगट करण्याचा प्रयत्न करत होता. या तरूणीने पनवेल रेल्वे पोलीस गाठत या प्रकरणी तक्रार दाखल केली असून धारियाला अटक करण्यात आली आहे.
Titan Submersible : टायटन पाणबुडीचे अवशेष आढळले, पाचही पर्यटकांचा मृत्यू
तरुणीची छेड
बोरिवली रेल्वे स्थानक परिसरात चारचाकी वाहन शिकवण्याच्या बहाण्याने तरूणीची छेड काढणाऱ्या आरोपीला रेल्वे पोलिसांनी बेड्या ठोकल्या आहेत. भाग्येश्वर एलप्पा असे त्याचे नाव असून तो जोगेश्वरी येथे राहणारा आहे. बोरिवली रेल्वे रुळांलगतच्या मोकळ्या रस्त्यावर एलप्पाने तरुणीला गाडी शिकवण्यासाठी आणले. मात्र त्यानंतर तो तिची छेड काढू लागला. तरुणीने गाडीतून पळ काढत घर गाठले. तिच्यासह वडिलांनी वनराई पोलिसांकडे तक्रार दाखल केली. छेडछाडीचा हा प्रकार रेल्वे पोलिस हद्दीत झाल्याने वनराई पोलिसांनी गुन्हा नोंदवून तो २१ जून रोजी बोरिवली रेल्वे पोलिसांकडे वर्ग केला. याप्रकरणी एलप्पा याला अटक करण्यात आली असून पुढील तपास सुरू आहे, असे बोरिवली रेल्वे पोलिसांनी सांगितले.
महिला संतप्त
हार्बरवरील छत्रपती शिवाजी महाराज टर्मिनसहून निघालेल्या पनवेल लोकलमध्ये एका विद्यार्थीनीशी शारीरिक लगट करण्याचा प्रकार घडला होता. मंगळवारी या घटनेची पुनरावृत्ती नेरुळ-पनवेल लोकलमध्ये झाल्याने महिला प्रवाशांमधून तीव्र नाराजी व्यक्त होत आहे.
Weather Forecast: नाशिककरांची उकाड्यापासून सुटका होणार; कारण ‘या’ तारखेपासून नाशकात मेघराजा बरसणार