दरम्यान सायंकाळी आकाश दुधे, वसंता दुधे आणि आकशची आई यांच्यासोबत संतोष आणि त्याचे वडील तुळशीराम देवारे यांच्यात वाद झाला होता. तसेच मारहाणीची घटना घडली होती. या प्रकरणी वसंतराव दुधे यांनी लाडखेड पोलिस ठाण्यात तक्रार दिली होती. त्यावरून पोलिसांनी तुळशीराम देवारे यांच्या विरोधात गुन्हा नोंद केला होता. त्यानंतर सोमवारी रात्रीपासूनच संतोष घरी परत आला नव्हता. दुसऱ्या दिवशी मंगळवारी सकाळी आकाश दुधे यांच्या घरात संतोष हा रक्ताच्या थारोळ्यात आई राधाबाई देवारे आणि भाऊ दत्ता यांना दिसून आला.

या प्रकरणी भाऊ दत्ता तुळशीराम देवारे (३२) यांनी लाडखेड पोलिस ठाण्यात तक्रार दिली. तक्रारीनूसार, सोमवारी सायंकाळी आमचे कुटुंब आणि आकाश दुधे आणि वसंता दुधे यांच्यामध्ये शेतीवर कर्ज असल्याबाबत शाब्दिक वाद झाला होता. त्यानंतर संतोष हा रात्रभर परत घरी आलाच नाही. ईकडे तिकडे शोधाशोध करूनही दिसून आला नाही. म्हणून मंगळवारी सकाळीच संतोष याची आई आकाश दुधे यांच्या घरी गेली असता, त्यांच्या घरात संतोष याचा मृतदेह आढळून आला. या प्रकरणी लाडखेड पोलिस ठाण्यात मारेकऱ्यांवर खूनाचा गुन्हा नोंद करण्यात आला आहे.