दर्शना पवार ही अहमदनगर जिल्ह्यातल्या कोपरगाव तालुक्यातील. सर्व सामान्य कुटुंबातील ही मुलगी, शाळेत देखील हुशार होती. काहीतरी करून दाखवण्याची जिद्द असल्याने ती एमपीएसी परीक्षेत टॉप आली होती. तिच्या या कामगिरीचे सर्वत्र कौतुकही झाले होते. मात्र, १२ जून रोजी दर्शना पवार तिचा मित्र राहुल हांडोरे याच्यासह ती राजगड किल्ल्याच्या परिसरात फिरण्यासाठी गेली. दोघेही दुचाकीवरुन तिथे गेले. सकाळी सुमारे १० वाजेच्या सुमारास राहुल हांडोरे किल्ल्यावरुन एकटाच खाली येत असल्याची माहिती समोर आली. या घटनेपासून राहुल हांडोरे हा गायब आहे. पोलिसांनी अज्ञाताविरोधात गुन्हा दाखल करून तपास सुरू केला.
पुणे दर्शना पवार हत्या प्रकरण
Pune Crime: MPSC टॉपर हत्या प्रकरणात राजगडावर सापडला मोठा पुरावा, आता पोलिसांना हवाय फक्त राहुल हांडोरे
मात्र, राहुल हांडोरे हा मूळचा नाशिक जिल्ह्यातला असून दर्शना ही अहमदनगर जिल्ह्यातील असल्याची माहिती समोर आली आहे. ट्रेकिंगला गेलेला मित्र घटनेनंतर फरार असून पोलिसांकडून त्याचा शोध घेण्याचे काम सुरू आहे. त्यामुळे पोलिसांकडून त्याच्यावर संशय व्यक्त केला जात आहे. राहुल हाच मुख्य आरोपी आहे की आणखी त्या तरुणीला कुणी मारले याचा शोध लावणे हे पोलिसांसमोर मोठं आव्हान असणार आहे. पोलिसांकडून या प्रकरणाचा कसून तपास केला जात आहे.