नागपूर : पेट्रोल पंपावर वाहनात पेट्रोल भरत असताना ‘मोबाईल फोनवर बोलू नका’ अशी नोटीस लिहिलेली असते. ही गोष्ट पेट्रोल पंप कर्मचारीही अनेकदा ग्राहकांना सांगतात. मात्र बरेच जण त्याकडे सपशेल दुर्लक्ष करतात. नशीब खराब असेल तर उंटावर बसलेल्यालाही कुत्रा चावतो, असं म्हणतात. पेट्रोल पंपावर मोबाईलच्या वापराबाबत अलर्ट करणारा एक व्हिडिओ नुकताच समोर आला आहे. पेट्रोल पंपावर मोबाईल फोन वापरत असताना एका दुचाकीला अचानक आग लागली.
व्हायरल होत असलेला हा व्हिडिओ नागपूर जिल्ह्यातील असल्याचा म्हटलं जात आहे. बाईकमध्ये पेट्रोल भरत असताना दुचाकीस्वाराचा फोन वाजतो. खिशातून फोन काढताच त्याची दुचाकी अचानक पेट घेते. दुचाकीत पेट्रोल भरत असताना मोबाईल संपर्कात येताच आग लागते. अचानक घडलेल्या या घटनेने सर्वांनाच धक्का बसला आहे.
व्हायरल होत असलेला हा व्हिडिओ नागपूर जिल्ह्यातील असल्याचा म्हटलं जात आहे. बाईकमध्ये पेट्रोल भरत असताना दुचाकीस्वाराचा फोन वाजतो. खिशातून फोन काढताच त्याची दुचाकी अचानक पेट घेते. दुचाकीत पेट्रोल भरत असताना मोबाईल संपर्कात येताच आग लागते. अचानक घडलेल्या या घटनेने सर्वांनाच धक्का बसला आहे.
दुचाकीवर मागे बसलेली व्यक्ती तातडीने दुचाकी सोडून बाजूला उभी राहिली व उपस्थित कर्मचाऱ्यांनी पेट्रोल पंपावर फायर सेफ्टी कॉल सुरू करून आग आटोक्यात आणली. उपस्थित कर्मचाऱ्यांनी वेळीच आगीवर नियंत्रण मिळवल्याने मोठी दुर्घटना टळली. अन्यथा मोठी दुर्घटना घडू शकली असती. ही धक्कादायक घटना आणि तितकाच भयानक व्हिडिओ सध्या मोठ्या प्रमाणात व्हायरल होत आहे.
परीक्षेतले मार्क बदलण्यासाठी बालमित्राच्या आईची हत्या, अंबरनाथमधील थरारक खुनाचा निकाल
पेट्रोल भरताना काळजी घ्या
पेट्रोल भरताना वाहनाचे इंजिन बंद करा. इंधन भरताना वाहन जास्त गरम झाल्यास आग लागण्याची शक्यता असते. त्यामुळे सुरक्षित राहण्यासाठी वाहन बंद करणे केव्हाही चांगले.
जो आवडतो सर्वांना, तोची आवडे देवाला; दिंडीत सेवा करणाऱ्या वारकऱ्याचा मृत्यू, वारीत हळहळ
पेट्रोल पंप परिसरात धुम्रपान करू नका. तसेच कोणत्याही प्रकारचे ज्वलनशील पदार्थ सोबत ठेवू नका. इथे छोटीशी ठिणगीही मोठा अपघात घडवू शकते.
आजकाल जवळपास प्रत्येकाकडे स्मार्टफोन आहे. मोबाईल फोन सतत कानाला चिकटलेला असतो. पेट्रोल पंप परिसरात मोबाईलवर बोलणे टाळा. त्यातून निघणाऱ्या रेडिएशनमुळे आग लागण्याची शक्यता आहे. प्लास्टिक किंवा काचेच्या बाटल्यांमध्ये पेट्रोल आणि डिझेल घेऊन जाणे धोकादायक आहे. असा धोका पत्करू नका.