कोल्हापूर : सतेज पाटील… हा नेता ज्याला साथ देतो त्याची खासदारकीची वाट मोकळी होते अन् समोरच्याचा बंदोबस्तच होतो. सतेज पाटलांच्या साथीने मोदी लाटेतही राष्ट्रवादीचा खासदार निवडून आला… पण कंडका पाडायचा ठरवलंच तर सतेज पाटलांनी काँग्रेसमध्ये राहूनही शिवसेनेचा खासदार निवडून आणल्याचा इतिहास ताजा आहे. आता सतेज पाटील २०२४ च्या तयारीली लागलेत आणि कोल्हापुरात खासदारकीसाठी रस्सीखेच सुरू झाली आहे. पण सत्तांतरानंतर समीकरण बदलल्याने सतेज पाटलांनी जुन्या मित्राचंच टेन्शन वाढवलं आहे.
आमचं ठरलंय हा इतिहास झाल्याचं सांगून सतेज पाटलांनी संजय मंडलिकांचं टेन्शन वाढवलं आहे. समोर मंडलिक असो की महाडीक सतेज पाटलांचा सामना करून खासदारकी मिळवण्याचं आव्हान दोघांना आहे. सतेज पाटलांनी कोल्हापूरच्या राजकारणात असे पाय मजबूत केले की २०१४ च्या लोकसभा निवडणुकीत सतेज पाटलांच्या मदतीसाठी महाडीकांना तह करावा लागला होता.
आमचं ठरलंय हा इतिहास झाल्याचं सांगून सतेज पाटलांनी संजय मंडलिकांचं टेन्शन वाढवलं आहे. समोर मंडलिक असो की महाडीक सतेज पाटलांचा सामना करून खासदारकी मिळवण्याचं आव्हान दोघांना आहे. सतेज पाटलांनी कोल्हापूरच्या राजकारणात असे पाय मजबूत केले की २०१४ च्या लोकसभा निवडणुकीत सतेज पाटलांच्या मदतीसाठी महाडीकांना तह करावा लागला होता.
> २००४ ला सतेज पाटील महादेवराव महाडिकांच्या साथीने विधानसभेवर
> वर्चस्वाचं राजकारण करत स्वतंत्र गट अस्तित्वात
> २००९ नंतर अतंर्गत राजकारणामुळे पाटील-महाडीक गट आमनेसामने
> २०१४ ला लोकसभेसाठी राष्ट्रवादीकडून धनंजय महाडिकांना उमेदवारी
> शरद पवारांच्या शब्दाखातर आघाडी धर्म पाळत सतेज पाटलांचा धनंजय महाडिकांना पाठिंबा
> मोदी लाटेत धनंजय महाडिक विजयी, विजयात सतेज पाटलांचा सिंहाचा वाटा
अंतर्गत विरोध विसरून धनंजय महाडिकांच्या विजयासाठी सतेज पाटलांनी घाम गाळला. पण त्याबदल्यात विधानसभेला मदत करण्याचं आश्वासन घेतलं. दिलेला शब्द महाडिकांनी पाळला नाही. याचाच बदला म्हणून सेतज पाटलांनी धनंजय महाडिकांना घरी बसवलं.
‘आमचं ठरलंय’ हा इतिहास झाला; मंडलिक कमळाच्या चिन्हावर लढणार असल्याची चर्चा, सतेज पाटलांचा रोखठोक पवित्रा
२०१९ च्या लोकसभेला धनंजय महाडिक राष्ट्रवादीकडून मैदानात होते. पण काँग्रेसमध्ये असूनही सतेज पाटलांनी आघाडी धर्म पाळला नाही. महाडिकांच्या बंदोबस्ताकरिता शिवसेना उमेदवार संजय मंडलिकांसाठी फिल्डींग लावली. शरद पवारांनी मध्यस्थी करूनही सतेज पाटलांनी संजय मंडलिकांसाठी वादळी प्रचार केला. सतेज पाटलांनी मंडलिकांचं पारड जडं केल्याने धनंजय महाडीक यांचा पराभव झाला.
आमचं ठरलंय म्हणत सतेज पाटलांनी संजय मंडलिकांचा प्रचार केला आणि कोल्हापुरात आघाडी धर्म नाही तर सतेज पाटील फॅक्टर चालतो, हे दाखवून दिलं. मात्र महाडिकांना काटशाह देण्यासाठी ज्या मंडलिकांना निवडून आणलं तेच मंडलिक आता शिंदे गटात आहेत. आणि मविआचा धर्म पाळणार असल्याचं सतेज पाटलांनी सांगितल्याने संजय मंडलिकांना जुन्या मित्राचा २०२४ ला सामना करावा लागू शकतो. सतेज पाटील २०२४ ला कुणामागे ताकद लावणार? याकडे आता लक्ष लागलं आहे.