मुंबई : षण्मुखानंद सभागृहात उद्धव ठाकरेंच्या शिवसेनेने ५७वा वर्धापनदिन साजरा केला आहे. या कार्यक्रमात माजी मुख्यमंत्री उद्धव ठाकरे यांनी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यावर जोरदार प्रहार केला. उद्धव ठाकरे यांनी एकनाथ शिंदेंच्या शिवसेनेला गारद्यांची टोळी असं म्हटलं, तर कोविड लसीच्या वक्तव्यावरून देवेंद्र फडणवीसांच्या डोक्यात व्हायरस गेल्याचं म्हणत निशाणा साधला. आपल्यामधून गेलेल्या लोकांनी गद्दारी केल्याला १ वर्ष झालं. उद्या गद्दार दिन, असा टोलाही उद्धव ठाकरे यांनी लगावला.
कुणाचा विश्वास बसणार नाही, पण आज आपल्या शिवसेनेला ५७ वर्षे झाले आहेत. ५७ वर्षांपूर्वी होता तसाच जोश जल्लोष, ताकद, हिंमत ही जशीच्या तशी आहे. इकडे शिवसैनिकांची गर्दी आहे. सभागृह गच्च भरलं आहे आणि कुणीही उठून जात नाहीए. कारण ही कडवट निष्ठावंत शिवसैनिकांची गर्दी आहे. जसे इकडे शिवसैनिक आहेत तसे आपल्या शहरातल्या एका कोपऱ्यामध्ये गारदी जमलेले (शिंदे गट) आहेत. मुद्दाम मी गर्दी आणि गारदी, असा हास्य जत्रेतला पंच मारलेला नाही. इकडे गर्दी आहे तर तिकडे गारदी (गारद्यांची टोळी म्हणजे पेशवे काळात गोंधळ घालणारी आणि वसूली करण्यासाठी ठेवलेली टोळी ) आहेत, असं म्हणत उद्धव ठाकरे यांनी मुख्यमंत्री एकनाथ शिंदे यांच्यावर हल्लाबोल केला.
कुणाचा विश्वास बसणार नाही, पण आज आपल्या शिवसेनेला ५७ वर्षे झाले आहेत. ५७ वर्षांपूर्वी होता तसाच जोश जल्लोष, ताकद, हिंमत ही जशीच्या तशी आहे. इकडे शिवसैनिकांची गर्दी आहे. सभागृह गच्च भरलं आहे आणि कुणीही उठून जात नाहीए. कारण ही कडवट निष्ठावंत शिवसैनिकांची गर्दी आहे. जसे इकडे शिवसैनिक आहेत तसे आपल्या शहरातल्या एका कोपऱ्यामध्ये गारदी जमलेले (शिंदे गट) आहेत. मुद्दाम मी गर्दी आणि गारदी, असा हास्य जत्रेतला पंच मारलेला नाही. इकडे गर्दी आहे तर तिकडे गारदी (गारद्यांची टोळी म्हणजे पेशवे काळात गोंधळ घालणारी आणि वसूली करण्यासाठी ठेवलेली टोळी ) आहेत, असं म्हणत उद्धव ठाकरे यांनी मुख्यमंत्री एकनाथ शिंदे यांच्यावर हल्लाबोल केला.
अरे कोणता सूर्य? मणिपूरवरून उद्धव ठाकरेंचा सवाल
दुसऱ्यांना छळायचं हा आनंद या विकृतांच्या लेखी झाला आहे. मणिपूर पेटलेलं असताना आपले पंतप्रधान अमेरिकेला चाललेत. मणिपूरच्या हिंसाचारावरून पंतप्रधानांवर बोलल्यावर जे नव गुलाम आहेत, लाचर आणि मिंधे झाले आहेत ते म्हणाले सूर्यावर थुंकू नका. पण कोण सूर्य? कसला सूर्य? तुमच्या लेखी तुमचा तो गुरू सूर्य असेल तर तो सूर्य मणिपूरमध्ये का उगवत नाही? मणिपूरमध्ये आपल्या सूर्याचा प्रकाश का पाडत नाही? तिकडे उगवणार नसेल तर सूर्याचं दुसरं करायचं काय? प्रत्येक वेळेला संजय राऊत यांनी प्रतिक्रिया द्यायलाच पाहिजे असं काही नाहीए, असं म्हणत उद्धव ठाकरे यांनी भाजपला टोला लगावला आहे.
देवेंद्र फडणवीस यांची राजकारणातली हास्य जत्रा- उद्धव ठाकरे
देवेंद्र फडणवीस यांनी राजकारणातला हास्य जत्रेतला एक प्रयोग काल सादर केला, असं म्हणत उद्धव ठाकरे यांनी बोचरी टीका केली. यावेळी उद्धव ठाकरे यांनी सभागृहात देवेंद्र फडणवीस यांच्या भाषणाचा काही भाग सभागृहात ऐकवला. कोविड लस मोदींनी तयार केली, असा देवेंद्र फडणवीस यांचा व्हिडिओ उद्धव ठाकरेंनी ऐकवला. कुठून यांच्या डोक्यात व्हायरस घुसतो हे काही कळत नाही, असं म्हणत उद्धव ठाकरेंनी टोला लगावला. कोविडची लस मोदीजींनी तयार केली मग बाकीचे काय गवत उपटत बसले होते? संशोधक काय गवत उपटत होते? असे अंध भक्त म्हटल्यावर यांना कोणती लस द्यायची ते ठरवावं लागेल आणि यांना लस देण्याची गरज आहे, असं म्हणत उद्धव ठाकरेंनी भाजपला डिवचलं. फडणवीसांच्या हास्य जत्रेत सर्वच अवली आहेत. एकापेक्षा एक अवली. लव्हली कुणीच नाही, अशी टीका उद्धव ठाकरे यांनी केली.