सहा वर्षांपूर्वी मुलाचा खून, आईकडून शोध, लग्नात मारेकरी दिसला अन् माऊलीने तिथेच निकाल लावलाउमेश मस्के, नरेश निमगडे अशी निलंबित झालेल्या पोलिसांची नावे आहेत. दोन जून रोजी ब्रह्मपुरी येथे जिल्हा निर्मितीसाठी आंदोलन करण्यात आले होते. यावेळी ब्रह्मपुरी उपविभागातील पोलिसांना बंदोबस्तासाठी तैनात करण्यात आले होते.तळोधी पोलिस स्टेशनमधील पोलिस कर्मचाऱ्यांचाही यात समावेश होता. पोलीस कर्मचारी उमेश मस्के, नरेश निमगडे हे दोन कर्मचारी बंदोबस्तात कर्तव्यावर होते.
आंदोलन सुरू असताना मस्के आणि निमगडे यांना बिअर पिण्याची तलफ झाली. दोघेजण बंदोबस्ताची जबाबदारी सोडत ब्रह्मपुरी येथील एका बिअर दुकानात गेले.तिथे त्यांनी बिअर ढोसली. ब्रह्मपुरी पोलिस स्टेशनचे पोलिस निरीक्षक सुधाकर आंबोरे यांना याबद्दल माहिती मिळताच त्यांनी थेट बिअर शॉपी गाठली.आंबोरे यांनी या प्रकाराची माहिती जिल्हा पोलिस अधीक्षकांना दिली आहे.
ठाण्याच्या PI कडे बेहिशेबी मालमत्ता आली कुठून? अजितदादांनी आरोप करत रग्गड प्रॉपर्टीची लिस्ट वाचली!
जिल्हा पोलिस अधीक्षक रवींद्रसिंह परदेशी यांनी चौकशी केल्यानंतर दोघे कर्मचारी दोषी आढळून आले. दोन्ही पोलिसांना निलंबित करण्यात आल्याने जिल्हा पोलीस विभागात खळबळ उडाली आहे. बिअरची तलफ भागविण्यासाठी जिल्हातील दोन पोलिसांनी केलेल्या कारनाम्याची सध्या जिल्ह्यात जोरदार चर्चा आहे.