दौंड : दौंडमधील राष्ट्रवादी काँग्रेसच्या पदाधिकारी वंदना मोहिते यांना पोलिसांकडून अटक करण्यात आली आहे. कासूर्डी टोलनाका येथे पोलीस कर्मचारी कर्तव्य बजावत असताना पुण्याकडे जाणारी वाहतूक बंद करत होते. त्यावेळी वंदना मोहिते यांनी पोलीस कर्मचाऱ्यांशी हुज्जत घालून एका कर्मचाऱ्याला मारहाण केल्याची घटना घडली होती. ही घटना १५ जून रोजी घडली. याप्रकरणी यवत पोलिसांनी वंदना मोहिते यांना गुरुवारी रात्री उशिरा राहत्या घरातून अटक केली आहे.

याबाबत अधिक माहिती अशी की, १५ जून रोजी दुपारी अडीच ते तीन वाजताच्या सुमारास दौंड येथील कासुर्डी टोलनाक्यावर पोलीस नाईक नितीन कोहक आणि त्यांचे सहकारी शासकीय गणवेशात वाहतूक सुरळीत करत असताना पुण्याकडे जाणारी वाहतूक बंद करत होते. मात्र त्याचवेळी एक राखाडी रंगाची मारुती सुझुकी कारमधील (क्र. एम. एच ४२, ए. एक्स. ९३२९) राष्ट्रवादीच्या पदाधिकारी असणाऱ्या डॉ. वंदना मोहिते यांनी पोलिस नाईक नितीन कोहक यांच्याशी हुज्जत घालत त्यांना मारहाण केली. तसंच पोलिसांनी लावलेले बॅरिकेड्स बाजूला काढून शासकीय कामात अडथळा आणला.

हे माझ्यावरचं प्रेम, नाउमेद कशाला करायचं; अजितदादांच्या मुख्यमंत्रीपदासाठी हट्ट करणाऱ्या आमदारावर प्रतिक्रिया

Shivsena: शिवसेनेचा परळमधील पहिला शाखाप्रमुख काळाच्या पडद्याआड, विजय गावकर यांचं निधन

दरम्यान, या घटनेनंतर यवत पोलीस ठाण्यात वंदना मोहिते यांच्याविरोधात भा.द.वि. कलम ३५३, ३२३, ३३२ प्रमाणे गुन्हा दाखल करण्यात आला. हा गुन्हा दाखल झाल्यानंतर पोलिसांनी मोहिते यांना त्यांच्या घरातून रात्री उशिरा अटक केली आहे. या प्रकरणाचा अधिक तपास यवत पोलीस करत आहेत.