मुंबई: देशाची आर्थिक राजधानी असलेल्या आणि देशातील सर्वात सुरक्षित शहरांपैकी एक असा लौकिक मिरवणाऱ्या मुंबईत एक धक्कादायक घटना घडल्याचे उघडकीस आले आहे. मुंबईच्या लोकल ट्रेनमध्ये बुधवारी एका २० वर्षीय तरुणीवर एका विकृत नराधमाने अतिप्रसंग करण्याचा प्रयत्न केला. या घटनेमुळे संबंधित तरुणीला प्रचंड मोठा मानसिक धक्का बसला आहे. ही तरुणी बेलापूर येथे परीक्षा देण्यासाठी चालली होती. त्यासाठी या तरुणीने छत्रपती शिवाजी महाराज टर्मिनसवरुन (CSMT) लोकल ट्रेन पकडली होती. यावेळी चालत्या ट्रेनमध्ये नवाझ करीम (वय ४०) याने तिच्यावर अतिप्रसंग करण्याचा प्रयत्न केला. रेल्वे पोलिसांनी या प्रसंगानंतर अवघ्या आठ तासांमध्ये नवाझ करीम याला शोधून काढत त्याला अटक केली. त्याच्यावर बलात्काराच्या आरोपाखाली गुन्हा दाखल करण्यात आला आहे.
पोलिसांनी दिलेल्या माहितीनुसार, ही तरुणी हार्बर रेल्वेने बेलापूर येथे परीक्षेसाठी चालली होती. तिने सकाळी ७ वाजून २७ मिनिटांची सीएसएमटी-पनवेल ट्रेन पकडली. ही तरुणी महिलांच्या डब्यात चढली होती. या डब्यात तिच्यासोबत एक वृद्ध महिला होती, उर्वरित कर्पांटमेंटचा भाग रिकामा होता. सीएसएमटी स्थानकातून ही लोकल ट्रेन सुटल्यानंतर गाडी वेग पकडत असतानाच नवाझ करीम महिलांच्या डब्यात चढला. त्यानंतर ही ट्रेन मशीद बंदर स्थानकापर्यंत पोहोचेपर्यंत तीन ते चार मिनिटांच्या वेळेत नवाझ करीमने संबंधित तरुणीवर लैंगिक अत्याचार केले. यावेळी तरुणीसोबत डब्यात असलेल्या वृद्ध महिलेने पोलिसांच्या नावाने मदतीसाठी आरडाओरडा सुरु केला. लोकल ट्रेनमध्ये महिलांच्या डब्यात रात्री ९ ते सकाळी ६ वाजेपर्यंत महिला पोलीस कर्मचारी तैनात असतात. त्यांची ड्युटी नुकतीच संपल्याने वृद्ध महिलेने आरडाओरडा करुनही कोणीही मदतीसाठी आले नाही. यादरम्यान संबंधित तरुणीने नवाझ करीमचा जोरदार प्रतिकार केला. ही झटापट सुरु असतानाच मशीद बंदर रेल्वेस्थानक आले आणि ही तरुणी लोकल ट्रेनमधून खाली उतरली. यानंतर ती तात्काळ बाजूलाच असलेल्या जनरल डब्ब्यात चढली. या डब्यात पुरुष प्रवासी होते.रेल्वे पोलिसांनी आठ तासांमध्ये नराधमाला शोधून काढलं
पोलिसांनी दिलेल्या माहितीनुसार, ही तरुणी हार्बर रेल्वेने बेलापूर येथे परीक्षेसाठी चालली होती. तिने सकाळी ७ वाजून २७ मिनिटांची सीएसएमटी-पनवेल ट्रेन पकडली. ही तरुणी महिलांच्या डब्यात चढली होती. या डब्यात तिच्यासोबत एक वृद्ध महिला होती, उर्वरित कर्पांटमेंटचा भाग रिकामा होता. सीएसएमटी स्थानकातून ही लोकल ट्रेन सुटल्यानंतर गाडी वेग पकडत असतानाच नवाझ करीम महिलांच्या डब्यात चढला. त्यानंतर ही ट्रेन मशीद बंदर स्थानकापर्यंत पोहोचेपर्यंत तीन ते चार मिनिटांच्या वेळेत नवाझ करीमने संबंधित तरुणीवर लैंगिक अत्याचार केले. यावेळी तरुणीसोबत डब्यात असलेल्या वृद्ध महिलेने पोलिसांच्या नावाने मदतीसाठी आरडाओरडा सुरु केला. लोकल ट्रेनमध्ये महिलांच्या डब्यात रात्री ९ ते सकाळी ६ वाजेपर्यंत महिला पोलीस कर्मचारी तैनात असतात. त्यांची ड्युटी नुकतीच संपल्याने वृद्ध महिलेने आरडाओरडा करुनही कोणीही मदतीसाठी आले नाही. यादरम्यान संबंधित तरुणीने नवाझ करीमचा जोरदार प्रतिकार केला. ही झटापट सुरु असतानाच मशीद बंदर रेल्वेस्थानक आले आणि ही तरुणी लोकल ट्रेनमधून खाली उतरली. यानंतर ती तात्काळ बाजूलाच असलेल्या जनरल डब्ब्यात चढली. या डब्यात पुरुष प्रवासी होते.
मुंबईत ताज हॉटेलजवळ पोलिसांनी पाठलाग करून संशयास्पद कार थांबवली, तलवारी, चाकूंसह तिघांना पकडले
ही तरुणी सेकंड क्लासच्या डब्यात चढली तेव्हा ती भीतीने थरथरत होती. तिची ही अवस्था पाहून पुरुष प्रवाशांनी तिला विचारणा केली, तेव्हा तिने घडलेला प्रसंग सांगितला. यानंतर प्रवासांनी १५१२ या रेल्वे पोलिसांच्या हेल्पलाईनवर फोन केला. यानंतर रेल्वे पोलिसांनी तातडीने हालचाली केल्या. सानपाडा रेल्वे स्थानकात महिला पोलीस संबंधित तरुणीपर्यंत पोहोचल्या. या महिला पोलिसांनी तरुणीला बेलापूर येथे तिच्या परीक्षेच्या ठिकाणी नेले. परीक्षा केंद्रावर तरुणीने घडलेला प्रसंग तेथील पर्यवेक्षकांना सांगितला. त्यावेळी पर्यवेक्षकांनी तिला तू लगेच परीक्षा देण्याची गरज नाही, आणखी कोणत्याही दिवशी परीक्षा देऊ शकतेस, असे तिला सांगितले. त्यानंतर महिला पोलीस कर्मचाऱ्यांनी तिला पुन्हा सीएसएमटी येथे आणले, याठिकाणी तिची तक्रार नोंदवून घेण्यात आली.
रेल्वे पोलिसांनी आठ तासांमध्ये नराधमाला शोधून काढलं
हा प्रसंग घडल्याची माहिती मिळताच गुन्हा नोंदवला जाण्यापूर्वीच रेल्वे पोलीस कामाला लागले होते. स्थानिक पोलीस, रेल्वे पोलीस आणि लोहमार्ग पोलीस अशी तीन पथके तरुणीवर लैंगिक अत्याचार करणाऱ्या व्यक्तीचा शोध घेत होती. यासाठी पोलिसांनी सीएसएमटी आणि मशीद स्थानकावरील सीसीटीव्ही फुटेज तपासले. त्यामध्ये नवाझ करीम दिसून आला. त्याआधारे पोलिसांनी त्याचा शोध सुरु केला. काही तासांनी मशीद बंदर स्थानकात करीम दिसून आला, तेव्हा पोलिसांनी त्याला अटक केली. करीम हा मूळचा बिहारचा असून तो हमालीचे काम करायचा. पोलिसांनी करीमवर बलात्काराच्या कलमाखाली गुन्हा दाखल केला असून त्याच्या गुन्हेगारी पार्श्वभूमीचा पोलिसांकडून तपास केला जात आहे.