नाशिकः शहरातील सिडको परिसरात असलेल्या सिंहस्थनगर येथून नेपाळकडे निघालेल्या टेम्पो ट्रॅव्हलर बसला उत्तर प्रदेशातील लखनौजवळ अपघात झाला आहे. या अपघातात सिंहस्थनगर येथील महिलेचा दुर्दैवी मृत्यू झाला. या घटनेने सिडको परिसरात शोककळा पसरली आहे. सुनिता अर्जुन अवारे ( वय ५५ ) असे अपघातात दुर्दैवी मृत्यू झालेल्या महिलेचे नाव आहे.
याबाबत मिळालेली अधिक माहिती अशी की, नाशिकच्या सिडको परिसरातील सिंहस्थनगर येथून ३९ जण दोन टेम्पो ट्रॅव्हल बसने १ जून रोजी नेपाळ काठमांडूच्या दिशेने निघाले होते. यावेळी विविध शहरांना भेटी देत ते नेपाळकडे जात होते. नाशिकहून निघालेले लोक नेपाळ येथील काठमांडू येथे दिनांक १० जून रोजी पोहोचणार होते. मात्र नेपाळकडे जात असतानाच त्यांच्या एका टेम्पो ट्रॅव्हलर बसला रस्त्यात अपघात झाला.
याबाबत मिळालेली अधिक माहिती अशी की, नाशिकच्या सिडको परिसरातील सिंहस्थनगर येथून ३९ जण दोन टेम्पो ट्रॅव्हल बसने १ जून रोजी नेपाळ काठमांडूच्या दिशेने निघाले होते. यावेळी विविध शहरांना भेटी देत ते नेपाळकडे जात होते. नाशिकहून निघालेले लोक नेपाळ येथील काठमांडू येथे दिनांक १० जून रोजी पोहोचणार होते. मात्र नेपाळकडे जात असतानाच त्यांच्या एका टेम्पो ट्रॅव्हलर बसला रस्त्यात अपघात झाला.
दरम्यान, नेपाळकडे जात असताना यावेळी लखनौजवळ असलेल्या चंदा गावाजवळील एशिपुर येथे बुधवारी पहाटे अडीच ते तीन वाजताच्या सुमारास टेम्पो ट्रॅव्हल बसने रस्त्यालगत उभ्या असलेल्या ट्रकला मागच्या बाजूने धडक दिली. ही धडक एवढ्या जोरात होती, की बसच्या डाव्या बाजूच्या सीटवर बसलेल्या सुनिता अर्जुन अवारे ( वय ५५ ) यांना गंभीर मार लागल्याने त्या ठार झाल्या तर या अपघातात दोन जण जखमी झाले आहेत. जखमींना लौखनो येथील दवाखान्यात उपचारार्थ दाखल करण्यात आले आहे.
मुंबईत पत्नीच्या प्रियकराची हत्या, मृतदेह पुरण्यासाठी निवडली अशी जागा, पोलीसही हैराण
तर उर्वरीत तीस जणांना रेल्वेचे बुकींग करून देण्यात आल्याची माहिती मिळाली आहे. ते बुधवारी दुपारी रेल्वेने नाशिककडे रवाना झाले आहेत. तर इतर आठ जण दुसऱ्या टेम्पो ट्रॅव्हल बसने नाशिककडे रवाना झाले आहेत तर मयत सुनिता आवारे यांच्यावर आज गुरुवारी सायंकाळी अंत्यसंस्कार करण्यात येणार आहेत. मयत सुनिता यांच्या पश्यात पती, मुलगा, मुलगी, सून असा परिवार आहे. सुनिता यांच्या दुर्दैवी मृत्यूने आवरे कुटुंबावर मोठा दुःखाचा डोंगर कोसळला आहे.