कोल्हापुरातील लॉ कॉलेजमध्ये शिक्षण घेत असलेल्या अमरसिंह थोरात (वय ३० वर्ष) याचा बुधवारी रात्री खून करण्यात आला. त्याचा मृतदेह कागल-निढोरी राज्य मार्गावरील बामणी हद्दीतील एका शेतात टाकून दिल्याची धक्कादायक घटना घडली आहे.

तरुणाला इतर ठिकाणी मारून येथे मृतदेह आणून टाकल्याचे पोलिस तपासात स्पष्ट झाले. येथील पोलिस पाटील महादेव कुंभार यांनी काल याबाबतची फिर्याद कागल पोलिस ठाण्यात दिली होती. त्यानंतर कागल पोलिस घटनास्थळी येऊन पंचनामा करताना तरुणाच्या खिशात ड्रायव्हिंग लायसन्स सापडले. त्यावरुन त्याचे नाव अमरसिंह दत्ताजीराव थोरात (वय ३० वर्ष, रा. गोटखिंडी ता. वाळवा) असल्याचे समोर आले.

आयफोनची मागणी केल्याने खून

मिळालेल्या प्राथमिक माहितीनुसार स्थानिक गुन्हे अन्वेषण शाखेतील तपास पथक अमरसिंह थोरात याचा पूर्व इतिहास जाणून घेण्यासाठी त्याच्या मूळ गावी गेले. अमरसिंह थोरात हा दारूच्या व्यसनाच्या आहारी गेला होता तसेच चैनीकरिता आणि दारूच्या व्यसनाकरिता घरातील लोकांना सतत त्रास देत होता, असे समोर आले.

बायकोने किचनमध्ये प्राण सोडले, नवरा भररस्त्यात मृत्युमुखी, मधुमेहाचं औषध जीवावर बेतलं?
दरम्यान ३० मे रोजी अमरसिंह थोरात हा आपल्या घरी गेला होता. यावेळी रात्री त्याचे आणि वडील दत्ताजीराव थोरात यांच्यात काही कारणावरून कडाक्याचे भांडण झाल्याचे पोलिसांना समजले. यामुळे त्यांच्यावर संशय बळावला आणि संशयित आरोपी दत्ताजीराव थोरात आणि अमरसिंहचा भाऊ अभिजीत दत्ताजीराव थोरात या दोघांना पोलिसांनी ताब्यात घेतले. यावेळी दोघांची कसून चौकशी केली असता हा खून दोघांनी केल्याचे निष्पन्न झाले.

३० मे रोजी अमरसिंह थोरात हा आपल्या मूळ गावी गेला तेव्हा त्याने आपल्या वडिलांकडे तब्बल एक लाख ५० हजार रुपये किमतीचा आयफोन घेण्याची मागणी केली. यावेळी दोघांमध्ये कडाक्याचे भांडण झाले आणि रागाच्या भरात वडिलांनी लोखंडी पाईप सारख्या शस्त्राने डोक्यात वार केला आणि जखमी केले.

विवाहितेला लॉजवर बोलवून गळा चिरला, शेवटचा सेल्फी ठरला टर्निंग पॉईंट

डोक्यात वार केल्याने मोठ्या प्रमाणात रक्तस्त्राव

दरम्यान अमरसिंह थोरात हा जखमी होऊन जमिनीवर कोसळला, तरी त्याला उपचाराकरिता न नेता रात्रभर घरीच ठेवले. यामुळे त्याच्या डोक्यातून मोठ्या प्रमाणात रक्तस्त्राव झाल्याने त्याचा मृत्यू झाला. रात्रभर आणि दुसऱ्या दिवशी त्याच्या मृतदेहाची विल्हेवाट लावण्याचे नियोजन करण्यात आले. ३१ मे रोजी सायंकाळच्या सुमारास वडील आणि त्याच्या लहान भावाने गाडीच्या डिक्कीत मृतदेह घालून कागल-निढोरी राज्य मार्गावरील बामणी हद्दीतील एका शेतात टाकून दिला.

मधुचंद्राला बायकोचा नकार, नाशिकच्या नवरदेवाने खडसावतच म्हणाली, दोनदा लग्न झालंय, तुमचे…
त्यानंतर दुसऱ्या दिवशी एक जून रोजी खून झाल्याचे समोर आल्यानंतर अमरसिंह थोरात यांचे वडील आणि भाऊ यांनी घटनेच्या ठिकाणी येऊन आपणास काही माहिती नसल्याचे नाटक केले, मात्र अवघ्या २४ तासात पोलिसांनी तपास पूर्ण करत दोन्ही संशयित आरोपींना ताब्यात घेतले.

एमपीएससीच्या परीक्षेत अपयश आणि व्यसनाधीन

अमरसिंह थोरात कोल्हापूर येथील एका लॉ कॉलेजमध्ये कायद्याचे शिक्षण घेत होता. या आधी २००९ ते २०१९ या काळात अमरसिंह थोरात एमपीएससीच्या अभ्यास करण्याकरिता पुणे येथे होता. मात्र त्यानंतर दोन वर्षे घरात अभ्यास करत होता, परंतु परीक्षेत यश मिळत नसल्याने गेले सव्वा वर्ष तो कोल्हापूर येथे राहून कायद्याच्या पदवीचे शिक्षण घेत होता. यावेळी त्याला दारूचे प्रचंड व्यसन लागले होते. तसेच चैनीकरिता तो नेहमी घरातून लागेल तेवढे पैसे मागत होता. यामुळे घरात सतत वाद होत असल्याचेही समोर आले.