मासेमारीची एक फेरी ही १४ ते १५ दिवसांची असते. मच्छिमार बोटी पाणी, इंधन, बर्फ, अन्नधान्य यांसह खलाशी घेऊन मासेमारीसाठी समुद्रात जातात. एका फेरीसाठी ५० ते ६० हजार रुपयांचा खर्च येतो. मागील महिन्यात मासळी जाळ्यात सापडत नसल्याने मच्छिमार हवालदिल झाला होता. मात्र आता हंगामातील शेवटच्या फेरीत मात्र दर्याराजाने या मच्छिमारांना खुश केले आहे. याआधीचे नुकसान या शेवटच्या फेरीतल्या मासळीच्या विक्रीने पूर्णतः भरून निघणार नसले, तरी मच्छिमारांनी समाधान व्यक्त केले आहे.
खाद्यतेल पुन्हा आवाक्यात? मुबलक आयात व साठ्यामुळे दर घसरणीचे संकेत, कशा असतील किंमती?
जाळी, बोटींची डागडुजी
सध्याच्या बंदीच्या काळात मच्छिमार मासेमारीच्या साहित्याची जमवाजमव करण्याच्या कामाला लागले आहेत. बंदीच्या कालावधीत मासेमारीसाठी जाळी विणणे, बोटींची डागडुजी करणे याकडे विशेष लक्ष दिले जाणार असल्याचे मच्छिमारांनी सांगितले.