पुणे : अपमानित झाल्याच्या भावनेतून पुण्यातील ७० वर्षीय नागरिकाने बंडगार्डन नदी पुलावरून उडी मारून आत्महत्या केल्याचा आरोप आहे. या प्रकरणी पाच जणांना अटक करण्यात आली आहे.
अनेकदा क्षुल्लक कारणांवरून झालेले वाद भलतेच विकोपाला जातात. यानंतर त्या प्रकणाला गंभीर स्वरुपाचे वळण लागते. काही वेळा यातून मोठा गुन्हा घडल्याच्या आपण अनेक घटना पाहिल्या आहेत.
अनेकदा क्षुल्लक कारणांवरून झालेले वाद भलतेच विकोपाला जातात. यानंतर त्या प्रकणाला गंभीर स्वरुपाचे वळण लागते. काही वेळा यातून मोठा गुन्हा घडल्याच्या आपण अनेक घटना पाहिल्या आहेत.
पुण्यातून अशीच एक घटना समोर आली आहे. स्पीकरवरून निर्माण झालेला वाद एका ज्येष्ठ नागरिकाच्या जीवावर बेतल्याचा धक्कादायक प्रकार उघडकीस आला आहे.
मिळालेल्या माहितीनुसार, ज्ञानेश्वर साळुंखे (७०) हे नवी खडकी येथील रहिवासी आहेत. यांनी क्षुल्लक वादातून आत्महत्या केल्याचे उघडकीस आले आहे. नवी खडकी भागात ही घटना घडली आहे.
लिफ्ट मागणं जीवावर बेतलं, २३ वर्षीय तरुणाचा नग्न मृतदेह सापडला, मेघदूत बारमुळे छडा लागला
साळुंखे यांच्या घराशेजारी चेतन बेले राहतात. त्यांच्या घरात हळदीचा कार्यक्रम सुरू होता. स्पीकर लावल्यामुळे त्या ठिकाणी मोठा गोंधळ सुरू होता. स्पीकरच्या आवाजाचा त्रास होत असल्याने ज्ञानेश्वर साळुंखे यांनी त्या ठिकाणी जाऊन आवाज करु नका, आम्हाला त्रास होत आहे, असे सांगितले. यावरून आरोपींनी त्यांना अपमानित केले आणि हाकलून दिले. यामुळे अपमानित झाल्याच्या भावनेतून ज्ञानेश्वर साळुंखे यांनी नैराश्यातून आत्महत्या केल्याचे समजते आहे.
या प्रकरणी पांडुरंग ज्ञानेश्वर साळुंखे (47) यांनी येरवडा पोलीस ठाण्यात फिर्याद दिली आहे. त्यावरुन पोलिसांनी चेतन बेले (26), देवेश ऊर्फ नन्या पवार (18), यश मोहिते (19), शाहरुख खान (26), जय तानाजी भडकुंभे (22) यांना अटक केली आहे.
भरधाव कारने इंजिनिअरला उडवलं, चालक जागीच गाडी सोडून पळला, आई-बाबांचा एकुलता एक आधार गेला