अकोला : जिल्ह्यातील ग्राम खडका गावात लहान बहिणीने मोठ्या बहिणीला संपवलं. एका २१ वर्षांच्या तरुणीनं तिच्या सख्ख्या मोठ्या २४ वर्षीय बहिणीची चाकूनं गळ्यावर वार करून हत्या केली आहे. पण या प्रकरणात एक ट्विस्ट आला आणि त्या मागची धक्कादायक कहाणी ऐकून संपूर्ण गाव चक्रावलं. या प्रकरणी बोरगांव मंजू पोलीस ठाण्यात हत्येचा गुन्हा नोंदवण्यात आला आहे. मारेकरी बहिणीला पोलिसांनी अटक केली आहे.बोरगाव मंजू पोलीस स्टेशन हद्दीतील ग्राम खडका गावात विठ्ठल वसतकार यांचं कुटुंब वास्तव्यास आहे. विठ्ठल यांना दोन मुली आणि एक मुलगा आहे. रेश्मा आणि प्रवीणा अशी त्यांच्या दोन्ही मुलीची नावं. रेश्मा घरात सर्वात मोठी मुलगी. तिचं गेल्या वर्षी लग्न झालं. गेल्या पंधरा दिवसांपूर्वी ती माहेरी आली होती. काल बोरगांव मंजू पोलिसांना रात्री सुमारे साडे नऊ वाजता फोन आला. विठ्ठल वसतकार यांच्या मोठ्या मुलीची हत्या झाली असल्याचा. त्यानंतर बोरगाव मंजू पोलिसांनी तात्काळ घटनास्थळी धाव घेतली आणि मृतदेह ताब्यात घेत शवविच्छेदनासाठी अकोल्याच्या शासकीय रुग्णालयात पाठवून दिला.
दरम्यान, ही हत्या तिचीच लहान बहीण प्रवीणा हिने केली असल्याचं समजलं. सद्यस्थितीत प्रवीणा ही पोलिसांच्या ताब्यात आहे. काल रात्री नऊ वाजताच्या सुमारास विठ्ठल वसतकार आणि त्यांची पत्नी हे घरातील समोरच्या रूममध्ये बसलेले होते. अन् रेशमा आणि प्रवीणी या दोघी बेडरूम मध्ये होत्या. दोघींमध्ये वाद झाला आणि या वादाच रूपांतर हत्येपर्यंत पोहोचलं. नेमकं त्या दोघी बहिणींमध्ये असा काय वाद झाला? की प्रवीणा हिला इतकं मोठं पाऊल उचलावं लागलं, हे अद्यापपर्यंत कळू शकलेलं नाही, अशी माहिती पोलिसांनी दिली आहे.
दरम्यान, ही हत्या तिचीच लहान बहीण प्रवीणा हिने केली असल्याचं समजलं. सद्यस्थितीत प्रवीणा ही पोलिसांच्या ताब्यात आहे. काल रात्री नऊ वाजताच्या सुमारास विठ्ठल वसतकार आणि त्यांची पत्नी हे घरातील समोरच्या रूममध्ये बसलेले होते. अन् रेशमा आणि प्रवीणी या दोघी बेडरूम मध्ये होत्या. दोघींमध्ये वाद झाला आणि या वादाच रूपांतर हत्येपर्यंत पोहोचलं. नेमकं त्या दोघी बहिणींमध्ये असा काय वाद झाला? की प्रवीणा हिला इतकं मोठं पाऊल उचलावं लागलं, हे अद्यापपर्यंत कळू शकलेलं नाही, अशी माहिती पोलिसांनी दिली आहे.
रेल्वे निघताच धावत पकडण्याचा प्रयत्न, खाली कोसळला अनर्थ घडण्यापूर्वी आरपीएफ जवान धावला अन् थरार CCTV मध्ये कैद
मालिका बघून हत्येची कल्पना सुचली, गावात एकच चर्चा
रेश्मा अनंत बोरसे (लग्नानंतरचं आडनाव) आणि प्रवीणा विठ्ठल वसतकार या दोघी सख्ख्या बहिणी असून त्यांचे संबंधही चांगले होते आणि दोघीचं चांगलं पटायचं. प्रवीणा हिला मोठ्या बहिणीचा चांगलाच जिव्हाळा होता. परंतु गेल्या काही महिन्यांपासून प्रवीणा मानसिक तणावात होती. तिच्यावर मनोरुग्ण रुग्णालयात उपचार सुरू आहेत. गावकऱ्यांच्या माहितीनुसार प्रवीणा अभ्यासात अतिशय हुशार होती. तसेच तिला दैनंदिन असलेल्या गोष्टी म्हणजेच एका डायरीमध्ये लिहिण्याची सवय होती. परंतु ती नेहमी तणावात असायची, अशी माहिती गावकऱ्यांनी दिली आहे.
पत्नी अन् मुलं ५ दिवसांपासून बेपत्ता, पोटात अन्नाचा कण नाही; निराश बापाने पोलीस स्थानक गाठलं अन्…
प्रवीणाला ‘क्राइम’ ची मालिका पाहण्याची आवड होती. त्यातून तिला हत्येची कल्पना सुचली आणि त्याचप्रकारे तिने मोठी बहीण रेश्मा हिच्या गळ्यावर चाकूने वार केला. एवढचं नाहीतर तर छातीवरही चाकूने वार केला. या घटनेत रेश्मा गंभीर जखमी झाली आणि तिचा जागेवरच दुर्देवी मृत्यू झाला, अशी माहिती गावकऱ्यांनी दिली. या घटने संदर्भात बोरगाव मंजू पोलीस ठाण्यात हत्येचा गुन्हा दाखल करण्यात आला आहे. पोलिसांनी मारेकरी प्रवीणा हिला ताब्यात घेतलं आहे. तिला न्यायालयात हजर करण्यात येणार आहे.
हत्येबाबत काय म्हणात पोलीस?
कुटुंबीयांनी दिलेल्या माहितीनुसार प्रविणा ही मानसिक आजाराने त्रस्त होती. तिने मोठ्या बहिणीची हत्या का केली? अद्यापपर्यंत आम्हाला कळू शकलेलं नाही. गावकऱ्यांमध्ये अशी चर्चा आहे की मारेकरी प्रवीणा हिला ‘क्राइम’ मालिका बघण्याची आवड होती. त्यातूनच हत्याकांड घडलं असावा. पण ही फक्त एक चर्चा आहे, तरीही त्या दिशेने तपास करू. अद्याप तरी हत्येचं मूळ कारण अस्पष्ट असल्याचं बोरगाव मंजू पोलीस स्टेशनचे ठाणेदार संजय खंडादे म्हणाले.