याबाबत मिळालेली प्राथमिक माहिती अशी की, प्रियकर आणि प्रेयसी दोघेही काही दिवसांपासून वाघोली परिसरात भाड्याच्या खोलीत रहात होते. दोघांमध्ये प्रेमसंबंध असल्याने दोघेही एकत्र राहत होते. मात्र पहाटेच्या सुमारास प्रियकराचा मृतदेह रक्ताच्या थारोळ्यात पडल्याचे आढळले. या घटनेची माहिती मिळताच लोणीकंद पोलिसांनी घटनीस्थळी धाव घेत मृतदेह शवविच्छेदनासाठी पाठवला.
प्रथमदर्शनी प्रेयसीने घरात भाजी कापण्याच्या चाकूने प्रियकरावर वार केले. प्रियकराच्या सर्वांगावर वार केल्याचे प्रथम दर्शनी दिसून येत आहे. प्रियकराला रुग्णालयात हलवले मात्र उपाचारापूर्वीच त्याचा मृत्यू झाल्याचे पोलिसांकडून सांगण्यात आले आहे. त्या दोघांच्या भांडणात प्रेयसीही जखमी झाली असल्याचे सांगण्यात आले आहे. पोलिसांकडून या प्रकरणाचा तपास सुरु आहे.