म. टा. प्रतिनिधी, नाशिक : नाशिक जिल्ह्यात एक हृदयद्रावक घटना घडली आहे. बेकरीतले पदार्थ तयार करण्याच्या गिरणीत अडकल्याने डोक्यापासून पायापर्यंतची सर्व हाडे मोडल्याने पंचवटीतील इंद्रकुंड परिसरातील तीन वर्षीय बालकाचा मृत्यू झाला. रिहान उमेश शर्मा (रा. हिमालय हाउस, इंद्रकुंड) असे मृत बालकाचे नाव आहे. या हृदयद्रावक घटनेमुळे परिसरात शोक व्यक्त होत असून, पंचवटी पोलिसांनी आकस्मिक मृत्यूची नोंद केली आहे. इंद्रकुंड परिसरात राहणाऱ्या शर्मा कुटुंबाचा बेकरीचा व्यवसाय आहे. राहत्या घरातच एका बाजूला त्यांचे सर्व साहित्य आहे. तेथे गुरुवारी (दि. २५) रात्री नऊ वाजता रिहान खेळत होता.
बेकरीचे पदार्थ एकत्रित करण्यासाठी वापरण्यात येणारी गिरणी (ग्राइंडर) बंद होती. तेथे खेळताना तोल गेल्याने रिहान गिरणीत पडला. त्याच्या धक्क्याने गिरणी सुरू झाल्याने त्यातील पात्यांसह बेल्टमध्ये अडकून रिहानचे पूर्ण शरीरच फ्रॅक्चर झाले. त्याच्या किंकाळ्यांमुळे कुटुंबीयांनी धाव घेत त्याला बाहेर काढले. त्वरित खासगी रुग्णालयात दाखल करण्यात आले. तेथे उपचारांदरम्यान रात्री पावणेबारा वाजता त्याला मृत घोषित करण्यात आल्यानंतर कुटुंबीयांनी फोडलेला टाहो उपस्थितांना हेलावून गेला. त्यानंतर जिल्हा रुग्णालयात त्याच्या मृत्यूची नोंद करण्यात आली. रिहान हा शर्मा यांचा एकुलता मुलगा होता. या प्रकरणी पंचवटी पोलिसांनी आकस्मिक मृत्यूची नोंद करून पुढील तपास सुरू केला आहे.
बेकरीचे पदार्थ एकत्रित करण्यासाठी वापरण्यात येणारी गिरणी (ग्राइंडर) बंद होती. तेथे खेळताना तोल गेल्याने रिहान गिरणीत पडला. त्याच्या धक्क्याने गिरणी सुरू झाल्याने त्यातील पात्यांसह बेल्टमध्ये अडकून रिहानचे पूर्ण शरीरच फ्रॅक्चर झाले. त्याच्या किंकाळ्यांमुळे कुटुंबीयांनी धाव घेत त्याला बाहेर काढले. त्वरित खासगी रुग्णालयात दाखल करण्यात आले. तेथे उपचारांदरम्यान रात्री पावणेबारा वाजता त्याला मृत घोषित करण्यात आल्यानंतर कुटुंबीयांनी फोडलेला टाहो उपस्थितांना हेलावून गेला. त्यानंतर जिल्हा रुग्णालयात त्याच्या मृत्यूची नोंद करण्यात आली. रिहान हा शर्मा यांचा एकुलता मुलगा होता. या प्रकरणी पंचवटी पोलिसांनी आकस्मिक मृत्यूची नोंद करून पुढील तपास सुरू केला आहे.
अंतर्गत रक्तस्त्राव अधिक
तीन वर्षीय कोवळ्या रिहानच्या डोक्यापासून पायापर्यंतच्या हाडांचे अनेक तुकडे झाले होते. या दुर्घटनेत त्याला कोणतीही जखम न झाल्याने रक्त शरीराबाहेर पडले नाही. मात्र, अंतर्गत रक्तस्त्राव होऊन सर्व हाडे मोडल्याने त्याचा मृत्यू झाल्याची नोंद वैद्यकीय अधिकाऱ्यांनी केली. यापूर्वीही नाशिकमध्ये पालकांचे लक्ष नसताना बादलीत पडल्याने, विजेचा शॉक लागल्याने, जवळच्या पाण्याच्या खड्ड्यात पडल्याने बालकांचे मृत्यू झाले आहेत. त्यामुळे पालकांनी आपल्या पाल्यांकडे पुरेशा गांभीर्याने लक्ष देण्यासह बालके खेळत असताना त्यांच्यासमवेत थांबण्याचे आवाहन वैद्यकीय अधिकाऱ्यांनी केले आहे.
मुंबई पश्चिम उपनगरातील नागरिकांचा जीव धोक्यात; पालिकेकडून २२६ इमारतींना हाय अलर्ट, यादी जाहीर