सातारा : अल्पशी शेतजमीन असताना शेतीपूरक व्यवसायाला प्राधान्य देऊन पाटण तालुक्यात मधमाशी व्यवसायाला चालना आहे. या प्रेरणेतून रोहिणी ताईंनी मधमाशी पालनाचा अभ्यास सुरू केला. त्यांनी १४ सहकाऱ्यांसह मधमाशी पालनाचं प्रशिक्षण घेतलं. या प्रशिक्षणातून मधमाशी पालनातील बारकावे, धोके, प्रक्रिया, संधी याची सविस्तर माहिती मिळवली. सुरुवातीला स्वतः आणि त्यांच्या सहकाऱ्यांनी छोट्या भांडवलाची गुंतवणूक, याचबरोबर तज्ञांचं योग्य मार्गदर्शन, मधमाशी पालन व्यवसायातील बारकावे लक्षात घेऊन कामास सुरुवात केली. हे करत असताना मधमाशी चावल्याने अनेक वेळा इजा देखील झाली, परंतु न डगमगता, हिंमत न हरता मधमाशी पेट्या स्वतः तयार करण्याचं काम त्यांनी चालूच ठेवलं.मधमाशीची वसाहत तयार करण्याबरोबरच राणीमाशी ओळखणं हे देखील काम त्यांनी केलं. हळूहळू त्यांनी गावाजवळील जंगलांमध्ये पन्नास पेट्या ठेवून दोनशे किलो मध मिळवलं. एवढ्यावरच न थांबता पुढील वर्षांमध्ये त्यांनी वार्षिक सहाशे किलो मधाची निर्मिती केली. बाजारपेठेमध्ये ब्रॅण्डिंग आणि पॅकिंग याला खूप महत्त्व असतं, हे जाणून घेऊन त्यांनी या उद्योगाची एफएसएसएआयमध्ये नोंदणी केली. स्वतःच्या गुणवत्तापूर्ण मधाची वेगळी ओळख बाजारपेठेमध्ये निर्माण केली. त्यातून “फॉरेस्ट हनी” हा ब्रँड तयार झाला.
रोहिणी पाटील या फक्त मधमाशी पालन नव्हे, तर गूगल साथीचं सुद्धा काम करत आहेत. गुगल साथी म्हणजे ग्रामीण भागातील १००४ महिलांना डिजिटल उद्योगाचं ट्रेनिंग देण्याचं काम त्यांनी गुगल साथीच्या माध्यमातून केलं. २०१४ मध्ये ३५ पेट्या आणि २०२१ मध्ये १०० पेट्या यांच्या माध्यमातून सुमारे पाचशे चाळीस किलो मध मिळवलं. तयार केलेल्या मधाची विक्री त्यांनी भीमथडी जत्रेत सुद्धा केली आहे. या मधाच्या विक्रीतून त्यांना वार्षिक ५ लाख रुपयांचा नफा मिळतो.
रोहिणी पाटील या फक्त मधमाशी पालन नव्हे, तर गूगल साथीचं सुद्धा काम करत आहेत. गुगल साथी म्हणजे ग्रामीण भागातील १००४ महिलांना डिजिटल उद्योगाचं ट्रेनिंग देण्याचं काम त्यांनी गुगल साथीच्या माध्यमातून केलं. २०१४ मध्ये ३५ पेट्या आणि २०२१ मध्ये १०० पेट्या यांच्या माध्यमातून सुमारे पाचशे चाळीस किलो मध मिळवलं. तयार केलेल्या मधाची विक्री त्यांनी भीमथडी जत्रेत सुद्धा केली आहे. या मधाच्या विक्रीतून त्यांना वार्षिक ५ लाख रुपयांचा नफा मिळतो.
तीन फूट उंची, पण कर्तृत्व उत्तुंग शिखराएवढं; तिने जिद्दीने उभारला व्यवसाय, पूजा घोडकेची प्रेरणादायी गोष्ट
आपल्या व्यवसायाबद्दल बोलताना रोहिणी यांनी सांगितलं, की मी २०१४ मध्ये मधुमक्षिकापालनचे खादी ग्राम उद्योगमधून ट्रेनिंग घेतले. मी १० पेट्यापासून सुरुवात केली. आता माझ्याकडे सातेरीच्या १०० पेट्या आहेत. वर्षाला मधाचे साडेतीनशे ते चारशे किलो उत्पन्न होतं. मधाचं उत्पन्न आणि वसाहती वाढवणं यावर काम करून सातेरी मधमाशा संगोपन करते. प्रगतशील मध पाळ केंद्रचालक हे खादी ग्रामोद्योगचे पंधरा दिवसाचं ट्रेनिंग घेऊन स्वतःच केंद्र चालू केलं. मध प्रोसेसिंग युनिट हे स्वतःचं आहे. स्वतःचा ब्रँड फॉरेस्ट हनी या नावाने बाजारपेठेत मध उपलब्ध आहे. कृषिकन्या उद्योग समूह या नावाने उद्योग समूह रजिस्टर केलेला आहे.
इंग्लंड आणि ऑस्ट्रेलिया या देशातील अनेक परदेशी पर्यटक सुद्धा त्यांच्या मधमाशी केंद्रास भेट देण्यास येतात. त्याच बरोबर प्रगतशील मधपाळ आणि केंद्राचाल हे १५ दिवसाचं प्रशिक्षण घेतलं. त्याच बरोबर २०२१-२२ मध्ये मधमाशी पालन हा डिप्लोमा यशवंतराव चव्हाण मुक्त विद्यपीठातून केला. त्यात ९४ टक्के गुण मिळवून या व्यवसायात अजून काही वेगळ्या पद्धतीने काम करता येईल का याचाही अभ्यास केला. स्वतःचं प्रोसेसिंग युनिट, ऑफिस आणि भेट देण्यासाठी येणारे शेतकरी बंधू भगिनींसाठी मधमाश्या पालन हा सेटअप कसा असावा, त्यासाठी लागणाऱ्या वस्तू त्याचा संग्रह केला.