नागपूर : आशिष देशमुख.. नागपुरातला असा नेता ज्याने राष्ट्रवादीत २० वर्ष मंत्री राहिलेल्या चुलत्याला घरी बसवलं.. जायंटकिलर ठरलेल्या आशिष देशमुखांनी अनिल देशमुखांचा पराभव केला आणि मुंबई गाठली.. पण ज्या भाजपने देशमुखांना आमदार केलं, त्याच भाजपसोबत त्यांचं खटकलं आणि पुढे ते काँग्रेसमध्ये परतले.. मात्र काँग्रेसमध्येही स्थानिक नेत्यांशी खटका उडाला आणि आशिष देशमुखांनी स्वतःच्याच नेत्यांना सुनावलं.ज्या आशिष देशमुखांनी जायंटकिलर होण्याचा मान मिळवला आणि देवेंद्र फडणवीसांविरोधात निवडणूक लढवली, त्याच आशिष देशमुखांची काँग्रेसने आता हकालपट्टी केलीय. नागपुरात राहून कधी काँग्रेस, कधी राष्ट्रवादी, तर कधी भाजपला आशिष देशमुखांनी आव्हान दिलं आहे.
घरातूनच राजकारणाचं बाळकडू मिळालेल्या आशिष देशमुख चर्चेत आले ते आक्रमक आंदोलनामुळे. आशिष देशमुख हे काँग्रेसचे जेष्ठ नेते रणजीत देशमुखांचे पुत्र आहेत. डिसेंबर २०१३ मध्ये वेगळ्या विदर्भाच्या मागणीसाठी बेमुदत उपोषण केल्याने ते चर्चेत आले. २०१४ ला भाजपकडून रामटेकमधून विजयी झाले. त्यानंतर २०१८ ला भाजपचा राजीनामा, काँग्रेसमध्ये घरवापसी केली. विदर्भातील जनतेला धोका दिल्याचा भाजपवर आरोप २०१९ ला देवेंद्र फडणवीसांविरोधात त्यांनी दंड थोपटले. पण नागपूर दक्षिण पश्चिममध्ये ५० हजार मतांच्या फरकाने ते पराभूत झाले.
घरातूनच राजकारणाचं बाळकडू मिळालेल्या आशिष देशमुख चर्चेत आले ते आक्रमक आंदोलनामुळे. आशिष देशमुख हे काँग्रेसचे जेष्ठ नेते रणजीत देशमुखांचे पुत्र आहेत. डिसेंबर २०१३ मध्ये वेगळ्या विदर्भाच्या मागणीसाठी बेमुदत उपोषण केल्याने ते चर्चेत आले. २०१४ ला भाजपकडून रामटेकमधून विजयी झाले. त्यानंतर २०१८ ला भाजपचा राजीनामा, काँग्रेसमध्ये घरवापसी केली. विदर्भातील जनतेला धोका दिल्याचा भाजपवर आरोप २०१९ ला देवेंद्र फडणवीसांविरोधात त्यांनी दंड थोपटले. पण नागपूर दक्षिण पश्चिममध्ये ५० हजार मतांच्या फरकाने ते पराभूत झाले.
जवळपास २० वर्ष मंत्री राहिलेल्या अनिल देशमुखांना घरी बसवून आशिष देशमुख आमदार झाले होते. काका अनिल देशमुखांना आव्हान दिल्यानंतर पुढे आशिष देशमुखांनी काँग्रेसकडून फडणवीसांविरोधात दंड थोपटले. पण आशिष देशमुखांनी काँगेसला खिंडीत पकडण्याची एकही संधी सोडली नाही.
फडणवीसांची रात्री अचानक दिल्ली भेट, नागपुरात परतताच थेट काँग्रेस नेत्याच्या घरी, सर्वांना धक्का
काँग्रेसमध्ये परतल्यावर पक्षातील नेत्यांना अंगावर घेण्याची पंरपरा आशिष देशमुखांनी कायम ठेवली. २०२२ मध्ये राज्यसभा निवडणुकीत इमरान प्रतापगढींच्या उमेदवारीवरून नाराज होत पदाचा राजीनामा दिला. सत्यजीत तांबे प्रकरणावरून काँग्रेस अध्यक्ष मल्लिकार्जुन खर्गेंना पत्र लिहिलं आणि नाना पटोलेंना पदावरून हटवण्याची मागणी केली. राहुल गांधींनी ओबीसी समाजाची माफी मागावी, अशी मागणी केली आणि देशमुख वादात आले. एकनाथ शिंदेंकडून नाना पटोलेंना प्रति महिना एक खोका मिळत असल्याचा गंभीर आरोप केला. त्यानंतर शरद पवारांच्या निवृत्तीवरून खर्गेंनीही राजीनामा देऊन नवीन चेहऱ्यांना संधी देण्याची मागणी त्यांनी केली.
२०१४ ला भाजकडून आमदार झालेल्या आशिष देशमुखांनी भाजपसोबतची बांधिलकी एक टर्मही टिकवली नाही. फडणवीसांविरोधात विधानसभा लढवून देशमुखांनी काँग्रेसकडून वाह वा मिळवली. पण पुढे काँग्रेसलाही अडचणीत आणलं. हकालपट्टी झालेले देशमुख पुन्हा भाजपच्या वाटेवर असल्याचं दिसतं. पण फडणवीसांना आव्हान देणाऱ्या नेत्याचा भाजप प्रेवश होईल का? हा सवाल आहे.