त्यानंतर त्यांच्यात चांगलाच शाब्दिक वाद झाला. हा वाद स्थानिक नागरिकांच्या निदर्शनास आला. लागलीच स्थानिक नागरिकांनी मध्यस्थी केली आणि रिक्षा चालकाला चांगलचं सुनावलं. आपण वाद घालत असलेला समोरील व्यक्ती आमदार असल्याचे त्यांनी रिक्षा चालकाला म्हटलं. त्यानंतर रिक्षा चालकाने मोबाईल रस्त्यावर ठेवून घटनास्थळावरून पळ काढला.

दारूच्या भट्ट्या शोधत बसतात शरद पवार, सुप्रिया सुळे आणि अजित पवार; अजितदादांनी लगावला टोला
या घटनेची माहिती भाजप पदाधिकाऱ्यांना मिळताच त्यांनीही घटनास्थळी भेट दिली. तसेच भाजप आमदार वसंत खंडेलवाल यांच्या निवासस्थानी मोठ्या संख्येने भाजप पदाधिकारी व कार्यकर्ते उपस्थित झाले होते. या प्रकरणाची तक्रार घेण्यासाठी खुद्द खदान पोलिस स्टेशनचे पोलीस निरीक्षक श्रीरंग सणस हे त्यांच्या निवासस्थानी पोहोचले होते. सद्यस्थितीत या प्रकरणात खदान पोलिसांना नोंद करण्यात आली असून ऑटो चालकाचा शोध सुरू आहे. सूत्रांनी दिलेल्या माहितीनुसार पोलिसांनी ऑटो चालकालाही ताब्यात घेतलं असल्याचं समजते.

पापुआ न्यू गिनीमध्ये पंतप्रधान मोदींचे भव्य स्वागत, पंतप्रधान जेम्स मारापे यांनी केला चरणस्पर्श
रस्त्यात अडवून लुटण्याचा अथवा जीवे मारण्याचा प्रयत्न असू शकतो. नेमकं हा ऑटो चालक कोण आहे पोलिसांनी या संदर्भात सखोल तपास करावा, कदाचित लुटण्याच्या प्रकारातूनच हा प्रकार घडला असावा अशी भीती आमदारांनी व्यक्त केली आहे. अशा स्वरूपाची तक्रार देखील त्यांनी खदान पोलिसात दिली आहे.

अकोला शहरातील वाहतूक व्यवस्थेचा प्रश्न दिवसेंदिवस अधिकच गंभीर बनत चालला आहे. बेशिस्त वाहनचालकांमुळे वाहतूक कोंडी निर्माण होऊन छोट्या-मोठ्या अपघातांच्या घटना घडताहेत. या प्रकाराला आळा घालण्यासाठी बेशिस्त वाहनचालकांना शिस्त लागावी यासाठी वाहतूक पोलिसांनी शहरात कारवाई सुरू करायला पाहिजे. आज ऑटो वाहनधारकांकडून वाहतुकीचे नियम धाब्यावर बसवले जात आहेत. बेशिस्त ऑटो चालकांमुळे शहरातील वर्दळीचे ठिकाण असलेले भागात रोजच वाहतूक कोंडीचा सामना करावा लागतो. यासाठी तोडगा निघायला पाहिजे अशा सूचना आमदार वसंत खंडेलवाल यांनी पोलिसांना दिल्या आहेत.