म. टा. खास प्रतिनिधी, मुंबई : सीप्झ-वांद्रे-कुलाबा या मेट्रो ३ मार्गिकेसाठी डिसेंबरची डेडलाइन ठरलेली आहे. त्यासाठी सात महिने शिल्लक असताना या मार्गिकेवरील सीप्झ, एमआयडीसी व मरोळ नाका या महत्त्वाच्या स्थानकांचे पूर्ण झाले आहे. वारसा इमारती, कार्यालये आणि गजबजलेल्या ठिकाणी ही स्थानके जमिनीखाली उभारण्यात आली आहेत. जमिनीवर असलेल्या इमारती, कारखाने, कार्यालये आणि रहिवाशांना कोणत्याही प्रकारचा त्रास न होता उभारलेली ही स्थानके म्हणजे अभियांत्रिकी कौशल्याचा अविष्कार मानला जात आहे.मेट्रो ३ हा राज्यातील पहिला भूमिगत मेट्रो प्रकल्प आहे. देशात अन्य ठिकाणीही भूमिगत मेट्रो प्रकल्प पूर्ण झाले आहेत. त्यामध्ये दिल्ली मेट्रोचे काम आव्हानात्मक असल्याचा उल्लेख आवर्जून केला जातो. मुंबईच्या पश्चिम उपनगरांना उत्तर-दक्षिण जोडणारी मेट्रो ३ या मार्गिकेचे काम आव्हानात्मक ठरले आहे. हे काम ही मार्गिका उभ्या करणाऱ्या मुंबई मेट्रो रेल कॉर्पोरेशन लिमिटेडकडून (एमएमआरसी) झपाट्याने पूर्ण होत आहे.

-सीप्झ
विविध कंपन्यांची कार्यालये या स्थानकावरील परिसरात आहेत.
स्थानकाचे बांधकाम ९७.२० टक्के व प्रणालीशी निगडित ८५.७० कामे टक्के पूर्ण झाले आहे.

-एमआयडीसी
हे स्थानक विविध लहान-मोठ्या कारखान्यांच्या खाली आहे.
स्थानकाचे बांधकाम ९८ टक्के व प्रणालीशी संबंधित ८६.४० कामे टक्के पूर्ण झाली आहेत.

उन्हाळी सुट्टी गेमचेंजर ठरली, दहिसरला जोडणाऱ्या मेट्रोला पर्यटकांची पसंती, प्रवासी संख्येबाबत नवी अपडेट
-मरोळ नाका
कायम वर्दळीच्या व वाहतूककोंडीचा सामना या स्थानकावरील भागात करावा लागतो.
स्थानकाचे बांधकाम ९४.३० टक्के आणि प्रणालीशी संबंधित ७०.८० टक्के कामे पूर्ण झाली आहेत.