नीरजने भाजपचे नागपूर येथील आमदार विकास कुंभारे यांना तर थेट मुख्यमंत्री एकनाथ शिंदे यांच्याकडे असलेले नगरविकास मंत्रीपद देतो, असे सांगितले होते. त्यासाठी तुम्हाला एक कोटी ६७ लाख रुपये द्यावे लागतील, असे नीरजने त्यांना सांगितले. परंतु, सुदैवाने कुंभारे यांना संशय आल्याने पोलिसांकडे धाव घेतली. त्यामुळे हे सर्व प्रकरण समोर आले. मात्र, भाजपचे इतर आमदार मात्र तितकेसे सुदैवी ठरले नाहीत. आपल्याला मंत्रीपद मिळेपर्यंत दिल्लीवरुन आलेल्या फोनबद्दल कुठेही वाच्यता करायची नाही, हे ठरवून संबंधित भाजप आमदार नीरजच्या संपर्कात होते. भाजपच्या २० पैकी काही आमदारांनी नीरजला पैसे दिले होते. परंतु, नीरज हा तोतया निघाल्याची बाब उजेडात येताच ज्या आमदारांनी नीरजच्या खात्यात पैसे टाकले त्यांनी गप्प राहणेच पसंत केले. भविष्यातही हे आमदार आपण नीरजला मंत्रीपदासाठी पैसे देऊन बसलो, हे जाहीरपणे सांगण्याची शक्यता कमीच आहे. मात्र, यामुळे संबंधित आमदारांना लाखो रुपयांवर पाणी सोडावे लागणार आहे.
Nagpur News: नड्डांच्या ऑफिसमधून फोन आलाय समजून भाजप आमदारांनी मंत्रिपदासाठी भामट्याला लाखो रुपये दिले?एका आमदाराने केली होती दिल्लीची तयारी
नीरजसिंह राठोड टाइल्सच्या दुकानात काम करतो. तो तासनतास वाहिन्यांवरील राजकीय वृत्तांकन बघतो. इंटरनेटद्वारे त्याने अनेक आमदारांची माहिती व त्यांचे मोबाइल क्रमांक गोळा केले आहेत. नीरजने भाजपचा सदस्य म्हणून काम करत असताना पक्षाच्या कामाची पद्धत आणि वरिष्ठांच्या आदेशाचे महत्त्व समजून घेतले. त्यासाठी नीरजने जे.पी.नड्डा यांच्या सभांमध्ये भाग घेतला होता. याशिवाय जे. पी. नड्डा यांचा आवाज काढण्याचाही सराव केला आहे. ‘साहेबांशी बोला’ असे सांगून तो स्वत:च किंवा त्याचा एक सहकारी नड्डा यांचा आवाज काढून आमदारांशी बोलायचा. त्याने एका आमदाराला दिल्लीला बोलावून राज्य उत्पादन शुल्क विभाग देण्याचे आमिष दिले. त्या लालसेने या आमदाराने दिल्लीला जाण्याचीही तयारी केली होती, अशी माहिती विश्वसनीय सूत्रांनी दिली.
शिंदे-फडणवीस सरकारमध्ये तुम्हाला मंत्रीपद देतो, १ कोटी ६७ लाख द्या; नड्डांच्या बोगस पीएचा भाजप आमदारांना फोनमहाराष्ट्रातील कोणते आमदार नीरजच्या जाळ्यात सापडले?
नागपूर येथील भाजप आमदार नीरज याने कुंभारे यांच्याशिवाय कामठीचे आमदार टेकचंद सावकर , हिंगोलीचे तानाजी मुटकुळे, बदनापूरचे नारायण कुचे व नंदूरबारचे आमदार राजेश पाडवी तसेच गोवा येथील प्रवीण आर्लेकर व नागालॅण्डचे बाशा मोवाचँग यांनाही मंत्रीपद मिळवून देण्याचे आमिष नीरजने दाखविले होते. विशेष म्हणजे कोणीही मंत्रीपदाच्या शर्यतीत नसताना त्यांना नीरजने मंत्रीपद मिळवून देण्याचे आमिष दाखविल्याने राजकीय वर्तुळात आश्चर्य व्यक्त करण्यात येत आहे.