अशोककुमार ठठू हे सेवानिवृत्त असून ते दररोज सकाळी चालण्यासाठी घराबाहेर पडतात. तसेच ते मंगळवारी सकाळीही घराबाहेर पडले.त्यावेळी शेजारच्या घरातील एक श्वान मालक आपले दोन श्वान मोकळे सोडून वसाहतीत फिरत होते. अशोककुमार यांना मोकळ्या कुत्र्यांची भीती वाटल्याने त्यांनी श्वान मालकाला कुत्र्यांना पट्टे बांधा, नाहीतर ते माझ्या अंगावर धाऊन येतील, असे सांगितले. याच बोलण्याचा राग आल्याने त्यांचे काहीही ऐकून न घेता श्वान मालकाने त्यांना शिवीगाळ करत लाथाबुक्क्यांनी मारहाण केली आणि जवळील चाकू काढून त्यांच्यावर हल्ला करुन त्यांना जखमी केले आणि तुम्हाला सोडणार नाही, अशी धमकीही दिली आहे.
पुण्यात कोणी नसल्याचे पाहून चोरट्याने साधली संधी; क्रिकेट खेळणाऱ्या तरुणांनी डावच उधळला
या अज्ञात इसमाकडून जीवाला धोका निर्माण होणार असल्याने अशोककुमार यांनी मानपाडा पोलीस ठाण्यात शेजारी राहत असलेल्या श्वान मालका विरुध्द तक्रार केली असून पोलिसांनी या प्रकरणाचा तपास सुरू केला आहे.