पुणे : रविवारी सगळीकडे मातृत्व दिन साजरा केला जात असतानाच दुसरीकडे पुरंदर तालुक्यातील नीरा गावात अत्यंत दुर्दैवी घटना उघडकीस आली आहे. निरा येथील श्रीराम हॉस्पिटल या दवाखान्यात बेकादेशीर गर्भपात केला जात असल्याचे उघडकीस आले आहे. या संदर्भात जिल्हा शल्यचिकित्सकांनी डॉ. सचिन रामचंद्र रणवरे याच्यासह जिचा गर्भपात झाला ती दिपाली थोपटे आणि एजंट बरकडे अशा तिघांविरोधात गुन्हा दाखल केला आहे. यासंदर्भात जेजुरी पोलीस ठाण्यात गुन्हा दाखल करण्यात आला आहे. याबाबत जिल्हा शल्यचिकित्सक डॉ. नागनाथ संग्रामआप्पा यम्पल्ले यांनी जेजुरी पोलिसांकडे तक्रार दाखल केली आहे.
पोलिसांनी याबाबत दिलेल्या माहितीनुसार, जिल्हा शल्यचिकित्सक कार्यालयाला राज्याच्या कुटुंब कल्याण कार्यालयाकडून गोपनीय ईमेल आला होता. हा ई-मेल १२ मे रोजी आला होता. त्यामध्ये पुरंदर तालुक्यातील पिसुर्डी या गावांमध्ये बरकडे नावाचा एजंट असून तो निरा गावातील डॉ. सचिन रणवरे यांच्या श्रीराम हॉस्पिटलमध्ये बेकायदेशीर रित्या गर्भपात करत असल्याची माहिती दिली होती. त्यानुसार १४ मे रोजी डॉ. सचिन रणवरे हा दिपाली थोपटे नावाच्या गर्भवती महिलेचा गर्भपात करणार असल्याची माहिती देखील या ईमेलवर देण्यात आली होती. या महिलेस पहिली मुलगी असून बेकायदेशीररित्या गर्भलिंग निदान केल्यानंतर नीरा येथील बारामती रस्त्यावरील श्रीराम हॉस्पिटलमध्ये डॉ. रणवरे हा तिचा गर्भपात करणार असल्याची माहिती मिळाली होती.
पोलिसांनी याबाबत दिलेल्या माहितीनुसार, जिल्हा शल्यचिकित्सक कार्यालयाला राज्याच्या कुटुंब कल्याण कार्यालयाकडून गोपनीय ईमेल आला होता. हा ई-मेल १२ मे रोजी आला होता. त्यामध्ये पुरंदर तालुक्यातील पिसुर्डी या गावांमध्ये बरकडे नावाचा एजंट असून तो निरा गावातील डॉ. सचिन रणवरे यांच्या श्रीराम हॉस्पिटलमध्ये बेकायदेशीर रित्या गर्भपात करत असल्याची माहिती दिली होती. त्यानुसार १४ मे रोजी डॉ. सचिन रणवरे हा दिपाली थोपटे नावाच्या गर्भवती महिलेचा गर्भपात करणार असल्याची माहिती देखील या ईमेलवर देण्यात आली होती. या महिलेस पहिली मुलगी असून बेकायदेशीररित्या गर्भलिंग निदान केल्यानंतर नीरा येथील बारामती रस्त्यावरील श्रीराम हॉस्पिटलमध्ये डॉ. रणवरे हा तिचा गर्भपात करणार असल्याची माहिती मिळाली होती.
त्यानुसार डॉ. यम्पल्ले हे विधी सल्लागार मेघा सतीश सोनतळे यांच्यासह श्रीराम हॉस्पिटल येथे रविवारी पोहोचले. या ठिकाणी दवाखान्यात गेल्यानंतर डॉ. सचिन रणवरे यांचे वडील राम रणवरे या ठिकाणी होते. त्यांना डॉक्टर यम्पल्ले यांनी आपली ओळख सांगितली व त्यानंतर १४ मुद्द्यानुसार दवाखान्याची तपासणी केली.
दवाखान्याच्या गर्भपात केंद्र व सोनोग्राफी केंद्राची तपासणी केली. त्यावेळी रजिस्टर मध्ये दिपाली थोपटे हे नाव नव्हते. मात्र, दिपाली थोपटे यांच्या मोबाईल क्रमांकावर फोन केल्यानंतर थोपटे यांच्याकडील नातेवाईकाने शनिवारी संध्याकाळीच गर्भपात केला असल्याची माहिती दिली. हा गर्भपात डॉ. सचिन रणवरे याने केला असून त्यासाठी बरकडे नावाच्या एजंटने गर्भलिंगनिदान केले असल्याची माहिती देखील मिळाली.
महाराष्ट्रातून धावणाऱ्या वंदे भारतबद्दल मोठा निर्णय, प्रवाशांसाठी रेल्वेकडून अपडेट, तिकीट दरही बदलणार कारण…
त्यानंतर डॉ.एमपल्ले यांनी पुन्हा डॉ. सचिन रणवरे यांच्याकडे चौकशी केली, तेव्हा सचिन रणवरे यांनी दिपाली थोपटे यांचे अर्धवट भरलेले अर्ज व इतर माहिती डॉक्टर यांच्याकडे दिली. त्यातून या ठिकाणी बेकायदेशीर रित्या गर्भात झाल्याचे निष्पन्न झाले. त्यावरून यमपल्ले यांनी पोलिसांकडे फिर्याद दिली आहे .
Raj Thackeray : भाजप नेत्यानं अस्तित्वाचा मुद्दा काढला,राज ठाकरेंकडून छोटी माणसं म्हणत किमान शब्दात कमाल अपमान