कोल्हापूर : श्री छत्रपती राजाराम सहकारी साखर कारखान्याची पंचवार्षिक निवडणूक राज्यात चांगलीच गाजली होती. माजी आमदार महादेवराव महाडिक विरुद्ध माजी गृहराज्यमंत्री काँग्रेसचे आमदार सतेज पाटील यांच्यात लढत रंगली होती. या निवडणुकीत महादेवराव महाडिक पॅनलने सतेज पाटील यांच्या पॅनलचा पराभव करत विजय मिळवला होता. आज या साखर कारखान्याच्या नवनिर्वाचित संचालकांची पहिली बैठक झाली. या बैठकीत नूतन अध्यक्षपदी माजी आमदार अमल महाडिक तर उपाध्यक्षपदी नारायण चव्हाण यांची निवड करण्यात आली. राजाराम कारखान्याच्या निवडणुकीत सत्ताधारी पॅनेलने विकासात्मक बाबी मांडल्या. मात्र विरोधकांनी टीकात्मक बाबी मांडत अपप्रचार केला. यामुळे सभासद शेतकऱ्यांनी विकासाला आणि सत्याला कौल दिला, असे म्हणत खासदार धनंजय महाडिक यांनी नाव न घेता आमदार सतेज पाटील यांच्यावर निशाणा साधला.निवडणुकीत अपप्रचार आणि वैयक्तिक चारित्र्यहनन विरोधकांनी केले. त्यास मतदारांनी मतदानातून उत्तर दिले. विरोधकांनी अमल महाडिक यांना २६ प्रश्न विचारले होते. महाडिक यांनी त्या सर्व प्रश्नांची उत्तरे दिली आहेत. परंतु अमल महाडिक यांनी विरोधकांना विचारलेल्या ५ प्रश्नांची उत्तरे दिलेली नाहीत. ती त्यांनी द्यावीत. अमल महाडिक यांनी निवडणुकीत दिलेला शब्द पाळतील, सर्व आश्वासने पूर्ण केली जातील, असा विश्वास धनंजय महाडिक यांनी यावेळी व्यक्त केला. तर कसबा बावडा येथील छत्रपती राजाराम सहकारी कारखान्याच्या नुकत्याच झालेल्या निवडणुकीत विरोधकांनी अपप्रचार केला. त्या प्रचाराला कारखान्याच्या सभासद मतदारांनी मतपेटीतून उत्तर दिले आहे. माझी चेअरमनपदी निवड झाली असली तरी निवडून आलेले २० सभासद असे सर्वजण आम्ही चेअरमन म्हणून काम करणार आहोत. निवडणुकीच्या वचननाम्यात दिलेली आश्वासने पूर्ण केली जातील, अशी ग्वाही कारखान्याचे नूतन चेअरमन अमल महाडिक यांनी दिली.
गोकुळच्या लेखापरीक्षणमधून काय समोर येईल ते लवकरच समजेल
गोकुळच्या लेखापरीक्षणमधून काय समोर येईल ते लवकरच समजेल
गोकुळचे शासकीय लेखापरीक्षण होऊ नये यासाठी सत्ताधारी उच्च न्यायालयात याचिका दाखल केली होती. मात्र ही याचिका उच्च न्यायालयाने फेटाळून लावल्याने सत्ताधाऱ्यांना धक्का बसला आहे. याबाबत धनंजय महाडिक यांनी गोकुळ दूध संघ हे सर्वसामान्यांची जीवनदायीनी आहे. या दुधाच्या माध्यमातून प्रत्येक शेतकऱ्याला पैसा मिळत असल्याने कोणत्याही शेतकऱ्याची येथे आत्महत्या झाली नाही. मात्र, गेल्या दीड वर्षापासून हा संघ विरोधकांच्या ताब्यात गेला आहे आणि मोठ्या प्रमाणात वेगवेगळ्या प्रकारचे कारभार सुरू असल्याचे दिसून आल्याने संचालिका शौमिका महाडिक यांनी लेखापरीक्षणाची मागणी केली. मात्र हे ऑडिट होण्यासाठी सत्ताधारी सर्व नेते मंडळी आणि संचालक मुख्यमंत्री आणि उपमुख्यमंत्र्यांपर्यंत विनवण्या केल्या. त्यात यश मिळत नसल्याचे पाहून ते उच्च न्यायालयात गेले आणि स्थगिती मिळवण्यासाठी प्रयत्न केला. मात्र उच्च न्यायालयाने याचिका फेटाळत लेखापरीक्षणास मान्यता दिली. यामुळे यामधून काय समोर येईल ते लवकरच समजेल. मात्र अनेक शेतकऱ्यांच्या तक्रारी येत असून शेतकऱ्यांचे हाल होत आहेत. तसेच दुधाची क्वालिटी ढासळत असून गोकुळ ब्रँडचा दर्जाही कमी होत आहे, अशी टीका धनंजय महाडिक यांनी विरोधकांवर केला आहे.
तुम्हाला मुख्यमंत्री होता आलं नाही, फौजदाराचा हवालदार झाला, कशाला आमची मापं काढता: जयंत पाटील