मुंबई : महाराष्ट्राच्या विधानसभेचे अध्यक्ष राहुल नार्वेकर यांनी लंडन दौरा, आमदारांचं निलंबन प्रकरण यावर भाष्य केलं. कायद्याचं मला जे ज्ञान आहे, संविधानात दिलेल्या ज्या तरतुदी आहेत, विधानसभेचे नियम आहेत त्यानुसार आपल्या संविधानात ही तरतूद आहे की विधानसभेच्या अध्यक्षपद रिक्त असतं त्यावेळी उपाध्यक्षांकडे त्यांचे अधिकार असतात. अध्यक्ष ज्या क्षणी चार्ज घेतात त्या क्षणी उपाध्यक्षाकंडील अध्यक्षांचे अधिकार संपुष्ठात येतात, असं राहुल नार्वेकर म्हणाले. लंडन दौऱ्याबद्दल बोलताना राहुल नार्वेकर यांनी तो दौरा पूर्वनियोजित असून त्याचा सुप्रीम कोर्टाच्या निकालाशी संबंध नाही, असं स्पष्टीकरण त्यांनी दिलं.
आपल्या देशातील सर्व कायदे पुढच्या काळासाठी लागू असतात. त्यामुळं मागं जाऊन कायदा लागू होऊ शकत नाही. निलंबनाची कारवाई विधानसभा अध्यक्ष करु शकतात. या कारवाईचा अधिकार कोणतीही इतर संस्था अध्यक्षाकंडून काढून घेऊ शकत नाही. जोपर्यंत विधानसभा अध्यक्ष या सर्व याचिकांवर निर्णय देत नाहीत, तोपर्यंत कुठलिही कोर्ट, संविधानिक संस्था हस्तक्षेप करणार नाही, अशी खात्री आहे. त्यामुळं संविधानिक कक्षेत निर्णय होईल, अशी खात्री आहे. विधानसभा उपाध्यक्ष नरहरी झिरवाळ यांनी केलेल्या वक्तव्यासंदर्भात बोलताना राहुल नार्वेकर यांनी ही भूमिका मांडली.
सर्वोच्च न्यायालय कायदेमंडळाचे प्रमुख आहेत. त्याचप्रमाणे विधिमंडळाचे प्रमुख अध्यक्ष आहेत. कार्यकारी मंडळाचे प्रमुख म्हणून मुख्यमंत्री करत असतात. संविधानिक शिस्तीमध्ये ज्या संस्थेला जे काम दिलेलं आहे ते त्यांनी काम करावं, असं अपेक्षित आहे, असं विधानसभा अध्यक्ष राहुल नार्वेकर यांनी म्हटलं.
लंडनचा दौरा हा पूर्वनियोजित असून त्याचा सर्वोच्च न्यायालयाच्या निकालाशी काही संबंध नाही, असं राहुल नार्वेकर यांनी सांगितलं. दौरा पूर्वनियोजित असून ११ मे रोजी लंडनला जाणार असल्याचं राहुल नार्वेकर यांनी स्पष्ट केलं.
मुंबई इंडियन्सच्या संघात मोठा बदल, डेथ ओव्हर स्पेशालिस्ट गोलंदाजाची संघात एन्ट्री
दरम्यान, राहुल नार्वेकर काही दिवसांपूर्वी जपान दौरा अर्ध्यावर सोडून मुंबईत दाखल झाले होते. सध्या सुप्रीम कोर्टात प्रलंबित असलेल्या महाराष्ट्राच्या सत्तासंघर्षावरील निकाल लवकरच जाहीर होण्याची शक्यता असताना राहुल नार्वेकर यांच्या लंडन दौऱ्याची बातमी आल्यानं चर्चा सुरु झाल्या होत्या. त्यावर पडदा पडला आहे.Rahul Narvekar : सुप्रीम कोर्टाच्या निकालाचं वारं, सत्तासंघर्षाची धामधूम अन् राहुल नार्वेकर चर्चेत,कारण..