या अपघातात दुचाकीवरील दोघे भाऊ दूर फेकले गेले. रस्त्यावर जोराने आदळल्याने डोक्याला गंभीर दुखापत झाली. निकम वसावे याच्या डोक्याला गंभीर दुखापत होऊन रक्तस्त्राव झाल्याने त्याचा मृत्यू झाला. संदिप वसावे यालाही गंभीर दुखापत झाली आहे. संदिप समोरच भाऊ निकम याने प्राण सोडला.

निकमचे डॉक्टर होण्याचे स्वप्न अपूर्ण राहिले. घटनास्थळी मोठ्या प्रमाणावर रक्ताचा सडा पडला होता. नागरिकांनी जखमी संदिप वसावे व मयत निकम वसावे या दोघांना रुग्णवाहिकेने जिल्हा रुग्णालयात रवाना केले. संदिप वसावे याच्यावर जिल्हा रुग्णालयात उपचार केल्यानंतर खासगी रुग्णालयात दाखल करण्यात आले आहे. अपघातात दुचाकी व कारचे मोठ्या प्रमाणावर नुकसान झाले आहे. अपघात घडल्यानंतर बसचालक घटनास्थळावरुन पसार झाला.