Sharad Pawar : तुम्हाला पुन्हा असं आंदोलनाला बसावं लागणार नाही, शरद पवार यांचे माघारीचे संकेत!शरद पवार यांनी एकनाथ खडसेंना निरोप धाडला, तातडीने मुंबईला या…!
एकनाथ खडसे यांचा राजकारणातील अनुभव दांडगा आहे. मुंडे-महाजनांच्या तालमीत तायर झालेलं नेतृत्व म्हणून खडसेंकडे पाहिलं जातं. परंतु २०१४ नंतर देवेंद्र फडणवीस आणि खडसे यांच्यातील संघर्षामुळे खडसे त्रस्त झाले. विधानसभेच्या २०१९ च्या निवडणुकीत तर त्यांना पक्षाने तिकीटही नाकारलं. निवडणुकीनंतर २ वर्ष खडसेंनी सहन केलं. पण नंतर त्यांनी भाजपला रामराम ठोकून राष्ट्रवादीचं घड्याळ हाती बांधलं. गेल्या २ वर्षांपासून उत्तर महाराष्ट्रात राष्ट्रवादीच्या संघटनबांधणीसाठी खडसे काम करतायेत. हेच लक्षात घेऊन पवार यांनी खडसेंना निरोप धाडलाय.
१० मे ला राष्ट्रवादीचं ठरेल, नंतर नव्या सरकारच्या घडामोडी, भूकंपाचा दावा कुणी केला?
शरद पवार यांनी राष्ट्रवादीचे राष्ट्रीय उपाध्यक्ष प्रफुल्ल पटेल यांना खडसेंना तातडीने मुंबईत बोलावून घ्या, अशी सूचना केली. अध्यक्ष निवड समितीत एकनाथ खडसे यांचाही समावेश करा, अशा सूचना पवारांनी पटेल यांना दिल्याची माहिती आहे. पटेल यांनीही खडसेंना फोन करुन तातडीने मुंबईकडे रवाना व्हा, अशी सूचना केली आहे. शुक्रवारी (उद्या) होत असलेल्या राष्ट्रीय अध्यक्ष निवडीच्या बैठकीसाठी खडसेंना उपस्थित राहण्याच्या सूचना दिल्या गेल्या आहेत.