रिक्षेचा ताबा सुटल्यामुळे रिक्षा रस्त्याच्या मधल्या दुभाजकाला आदळली. या अपघातात रिक्षेने अचानक पेट घेतला. सदर रिक्षा चालकास गंभीर दुखापत झाल्याने उपस्थित असलेल्या पोलीस कर्मचारी यांनी त्याला जवळील रुग्णालयात उपचाराकरिता दाखल केले आहे. तर महिला प्रवासी या अपघातग्रस्त वाहनामध्ये अडकल्याने तिचा जागीच मृत्यू झाला आहे.

कचरा जाळण्याच्या खड्ड्यात पडून कामगार होरपळला, बारा तासांनी सापडले फक्त काही अवयव
या घटनेची माहिती मिळताच घटनास्थळी गायमुख पोलीस कर्मचारी, आपत्ती व्यवस्थापन कक्षाचे कर्मचारी, १०८ – रुग्णवाहिका व अग्निशमन दलाचे जवान ०१- रेस्क्यू वाहनासह उपस्थित झाले. सदर अपघातग्रस्त वाहनामधील महिला प्रवाशाचा मृतदेह गायमुख पोलीस कर्मचारी यांच्या ताब्यात देऊन १०८ रुग्णवाहिकेमधून जिल्हा शासकीय रुग्णालय, ठाणे येथे नेण्यात आला आहे. घटनास्थळी रिक्षेला लागलेली आग अग्निशमन दलाच्या जवानांनी ०६:०५ वाजताच्या सुमारास पूर्णपणे विझविली आहे. परिस्थिती नियंत्रणात आहे.