नवीन बातम्या महाराष्ट्र राष्ट्रीय वाचक कट्टा सामजिक

राज्यात राजकीय घडामोडींना वेग, अमित शहा आज पुन्हा एकदा मुंबई दौऱ्यावर, चर्चेला उधाण

ByMH LIVE NEWS

Apr 30, 2023 #amit shah in mumbai, #Amit Shahs visit mumbai, #Home minister Amit Shah to visit Mumbai, #अमित शहा, #अमित शहा मुंबई दौऱ्यावर

राज्यात राजकीय घडामोडींना वेग, अमित शहा आज पुन्हा एकदा मुंबई दौऱ्यावर, चर्चेला उधाण

Home Minister Amit Shah To Visit Mumbai: केंद्रीय गृहमंत्री अमित शहा आज पुन्हा एकदा मुंबईच्या दौऱ्यावर आहेत. त्यामुळं राजकीय चर्चांना उधाण आलं आहे.

म. टा. खास प्रतिनिधी, मुंबईः राज्यातील राजकीय घडामोडींना वेग आलेला असतानाच केंद्रीय गृहमंत्री अमित शहा आज, रविवारी पुन्हा एकदा मुंबईच्या दौऱ्यावर येत आहेत. मुंबईत एका कौटुंबिक विवाह सोहळ्यासाठी ते येत असल्याचे सांगितले जात असले तरी राजकीय चर्चेला मात्र उधाण आले आहे. दरम्यान, पंतप्रधान नरेंद्र मोदी यांच्या मन की बात या कार्यक्रमाच्या १००व्या भागानिमित्त विलेपार्ले येथे होणाऱ्या कार्यक्रमात शहा हे सहभागी होणार असल्याचे जाहीर करण्यात आले आहे.अमित शहा यांच्या हस्ते महाराष्ट्र भूषण पुरस्काराचे वितरण झाले होते. यानंतर आता ते पुन्हा एकदा मुंबईच्या दौऱ्यावर येत आहेत. पंतप्रधान नरेंद्र मोदी यांच्या ‘मन की बात’ कार्यक्रमाच्या १००व्या भागासाठी भाजपने मुंबईतील विलेपार्ले येथील डहाणूकर महाविद्यालयात कार्यक्रम आयोजित केला आहे. यासाठी ते उपस्थित राहणार आहेत. दुसरीकडे या मुंबई भेटीवरून राजकीय वर्तुळात अनेक तर्कवितर्क काढले जात आहेत. या कार्यक्रमात भाजप नेत्यांबरोबरच मुख्यमंत्री एकनाथ शिंदेही उपस्थित राहण्याची शक्यता आहे. मात्र, त्यांच्या उपस्थितीबाबत भाजपने अधिकृत माहिती दिलेली नाही.

महत्वाचे लेख