> जिल्ह्यात एकूण दहा कृषी उत्पन्न बाजार समिती आहेत. त्यातील धारूर कृषी उत्पन्न बाजार समितीचा निकाल दोन महिन्यांपूर्वी हाती आला. यामध्ये भाजपने वर्चस्व निर्माण केले. तर आष्टी कडा कृषी उत्पन्न बाजार समितीत भाजपचे नेते सुरेश धस यांनी बाजार समिती बिनविरोध निवडून आणली. त्यामुळे या ठिकाणी भाजपने एकहाती वर्चस्व निर्माण केले.

> शुक्रवारी जिल्ह्यातील सहा बाजार समितीसाठी मतदान प्रक्रिया पार पडली. त्यात वडवनी कृषी उत्पन्न बाजार समितीवर पंकजा मुंडे यांचे खंदे समर्थक म्हणून ओळखले जाणारे राजाभाऊ मुंडे यांना पराभव स्वीकारून राष्ट्रवादी काँग्रेसने या ठिकाणी वर्चस्व निर्माण केले.

भाजपच्या मदतीने राष्ट्रवादीने मैदान मारलं, अकोला बाजार समितीत NCPचा सभापती बसणार
> आज पाच बाजार समितीचा निकाल लागला. यामध्ये बीड बाजार समितीवर ४० वर्षांपासूनच्या माजी मंत्री जयदत्त क्षीरसागरांच्या सत्तेला पुतण्या संदीप क्षीरसागर यांनी सुरुंग लावला.

> परळी बाजार समितीवर पुन्हा एकदा धनंजय मुंडे यांनी आपल वर्चस्व कायम राखलं. यामध्ये पंकजा मुंडे यांना पराभव स्वीकारा लागला. धनंजय मुंडे यांचा इथे विजय झाला आहे.

> अंबाजोगाई बाजार समिती १५ जागेवर धनंजय मुंडे यांच्या उमेदवारांनी विजय मिळवला पंकजा मुंडे यांच्या उमेदवारांना तीन जागेवर समाधान मानावे लागले.

> केज कृषी उत्पन्न बाजार समितीवर भाजपने वर्चस्व राखले आहे.

> गेवराई बाजार समितीमध्ये माजी आमदार अमरसिंह पंडित यांनी भाजपचे आमदार लक्ष्मण पवार यांना मात देत आपलं वर्चस्व येथे कायम ठेवले आहे.