चंद्रपूर :राज्यात गेल्या काही दिवसांपासून रस्ते अपघाताच्या घटना वाढल्या आहेत. रस्ते अपघातामध्ये अनेकांना जीव देखील गमवावा लागला आहे. महाराष्ट्रात गेल्या महिनाभरात रस्ते अपघाताच्या मोठ्या घटना घडल्या आहेत. कोकणात जाताना १० प्रवाशांचा मृत्यू झाला. पुण्याहून मुंबईला येणाऱ्या ढोलताशा पथकाच्या बसचा अपघात झाला होता. त्या अपघातात १४ जणांचा मृत्यू झाला होता. आज सकाळी पुण्यातील नऱ्हे येथे महामार्गावर खासगी बस आणि ट्रकच्या अपघातात ४ जणांचा मृत्यू झाला. चंद्रपूर जिल्ह्यात देखील अशाच प्रकारचा अपघात झाला. मात्र, सुदैवानं या ठिकाणी जीवितहानी झालेली नाही. अपघातात चालकासह पाच जखमी झाले आहेत.
चंद्रपूर-नागपूर महामार्गावर ट्रक आणी खासगी ट्रॅव्हल्सची धडक झाली. या घटनेत ट्रॅव्हल्सच्या समोरील भागाचा चेंदामेंदा झाला. अपघातात चालकासह पाच जण जखमी झाले आहेत. जखमी झालेल्यांना उपचारासाठी तातडीनं रुग्णालयात हलविण्यात आले आहे.
चंद्रपूर-नागपूर महामार्गावर ट्रक आणी खासगी ट्रॅव्हल्सची धडक झाली. या घटनेत ट्रॅव्हल्सच्या समोरील भागाचा चेंदामेंदा झाला. अपघातात चालकासह पाच जण जखमी झाले आहेत. जखमी झालेल्यांना उपचारासाठी तातडीनं रुग्णालयात हलविण्यात आले आहे.
धक्कादायक! लिव्ह इनमध्ये राहणाऱ्या महिलेवर प्रियकराला संशय, महिलेने मित्राच्या मदतीने प्रियकरास संपवलेचंद्रपूर येथून खासगी ट्रॅव्हल्स नागपूरला निघाली होती. चंद्रपूरच्या दिशेने येणारा ट्रक आणि ट्रॅव्हल्सची नंदोरी टोल नाक्याजवळ समोरासमोर धडक झाली. या अपघातात दोन्ही वाहनांच्या समोरील भागाचे मोठे नुकसान झाले. या अपघातात प्रतीक रवींद्र आलम, अश्विनी शंकर मेश्राम, बसचालक शुभम रमेश पोलपोलवार, अतुल ठाकरे हे प्रवाशी जखमी झालेत.घटनेची माहिती मिळताच वरोरा पोलीस घटनास्थळी दाखल झाले.
या अपघातातील जखमींना वरोरा उपजिल्हा रुग्णालयात उपचारासाठी पाठवण्यात आले होते. प्राथमिक उपचारानंतर जखमींना पुढील उपचारासाठी जिल्हा रुग्णालय पाठविण्यात आले आहे. जिल्ह्यात अपघातांची संख्या वाढली आहे. वाहतूक नियमांचे पालन करण्याचा सूचना पोलीस विभागाकडून वारंवार केल्या जातात. मात्र, सूचनांकडे दुर्लक्ष केल्याने असे अपघात घडत आहेत.
मोठी दुर्घटना टळली…
चंद्रपूर- नागपूर महामार्गावर टोलनाक्याजवळ उड्डाणपूल बांधण्यात आला आहे. मात्र, पुलावरून बस न नेता बस चालकाने पुलाचा खाली असलेल्या मार्गाने बस नेली. यवतमाळ जिल्ह्यातून येणाऱ्या ट्रकला धडकली.केवळ दैव बलवत्तर म्हणून प्रवाशाना किरकोळ दुखापत झाली. वरोरा पोलिसांनी बसचालकाविरुद्ध गुन्हा दाखल केला आहे.