यावेळी मिलिंद याच्या डोक्यातून, नाकातून तोंडातून, कानातून रक्तस्त्राव झाल्याने त्यांचा दुर्दैवी मृत्यू झाला. दिलीप भागोजी महाकाळ हेही गंभीररित्या जखमी झाले आहेत. त्यांच्यावर दापोली येथील सोनजे रुग्णालयात उपचार सुरू आहेत.

यावेळी हा अपघात झाल्याचे दिसताच अनिकेत मिलींद वानरकर, रा. दाभिळ भोइवाडी यांनी तात्काळ ग्रामस्थांना माहिती दिली. ही माहिती मिळताच ग्रामस्थांनी तात्काळ घटनास्थळी धाव घेतली. मनोज पांडुरंग महाकाळ, प्रकाश धोंडु पाटेकर, शशिकांत भागोजी महाकाळ, अमित पांडुरंग महाकाळ, साहील संतोष महाकाळ या ग्रामस्थांनी धावपळ करत या दोघांनाही तात्काळ दापोली उपजिल्हा रुग्णालयात उपचाराकरता दाखल केले. मात्र दुर्दैवाने त्यापूर्वीच मिलिंद रामचंद्र महाकाळ याची प्राणज्योत मालवली होती.

चहा घेतला, खोलीत गेला… हळदीच्या दिवशीच डॉक्टरने स्वतःला संपवलं, लग्नघरात शोककळा
या अपघातात मृत्यू झालेले मिलिंद महाकाळ हे उत्कृष्ट इलेक्ट्रिशन फिटर होते. त्यांचा गावातील सामाजिक कार्यातही मोठा सहभाग होता. मिलिंद यांच्या पश्चात पत्नी, एक लहान मुलगा, एक लहान मुलगी असा परिवार आहे. या सगळ्या घटनेने ऐन अक्षय्य तृतीयेच्या दिवशीच दाभिळ पांगारी परिसरावर शोककाळा पसरली आहे.

दरम्यान या सगळ्या अपघात प्रकरणी दापोली एस टी डेपो एसटी बस चालक अविनाश अण्णा गायकवाड यांच्याविरुद्ध दापोली पोलीस स्थानकात तक्रार दाखल करण्यात आली आहे. या सगळ्या अपघात प्रकरणाची नोंद दापोली पोलीस ठाण्यात करण्यात आली असून अधिक तपास दापोली पोलीस स्थानकाचे उपनिरीक्षक विलास पड्याळ करत आहेत.

लग्नासाठी मुलगी बघायला गेला, पण आईच्या प्रेमात पडला, दोनच दिवसात दोघांनी मिळून…