पुणे :विधानसभेतील विरोधी पक्षनेते अजित पवार यांनी पुरंदरचे माजी आमदार विजय शिवतारे यांना पुरंदरमध्ये निवडणुकीत पराभूत केल्याचे मानले जाते. तेव्हापासून शिवतारे हे पवार कुटुंबीयांवर नेहमीच आग पाखड करताना दिसून येत आहेत. मात्र गेल्या काही दिवसांपासून अजित पवार हे अस्वस्थ असून लवकरच ते दुसऱ्या पक्षात प्रवेश करणार अशा चर्चांना उधाण आले आहे. त्यातच शिंदे गटात दाखल झालेले विजय शिवतारे यांनी यावर आता अजित पवार यांना शिंदेच्या शिवसेनेत येण्याची ऑफरच दिली आहे. मात्र यातून वेगळ्या चर्चांना देखील उधाण आले आहे. विजय शिवतारे हे अजित पवार यांच्या माध्यमातून आपली साखर पेरणी तर करत नाहीत ना?, अशा चर्चा आता सुरू झाल्या आहेत.पुरंदर तालुक्यामध्ये राजकारणाला सुरुवात केल्यानंतर पुरंदरचे माजी आमदार राज्याचे माजी मंत्री विजय शिवतारे यांनी पवारांना विरोध आणि पवारांवर जाहीर टीका हे राजकारणाचे सूत्र अवलंबल्याचे आपण नेहमीच पाहतो. पवारांनी पुरंदरचा विकास केला नाही असं म्हणत त्यांनी नेहमीच पुरंदरची तुलना बारामती केली. बारामतीतील रस्ते, बारामतीतील शिक्षण संस्था, बारामतीत झालेली बागायत शेती, बागायतीमध्ये असलेल्या वैद्यकीय सुविधा याची तुलना विजय शिवतरे हे नेहमीच करत राहिले. दहा वर्ष सत्त्तेत राहिल्यानंतर बारामतीच्या अजित पवारांनी विजय शिवतरे यांना कात्रजचा घाट दाखवला.

शिंदे-फडणवीस सरकारबाबत अजित पवारांचं मोठं वक्तव्य; म्हणाले, सरकारला धोका नाही, त्या अफवा
लोकसभा निवडणुकीमध्ये विजय शिवतरे यांनी अत्यंत खालच्या पातळीवर जाऊन शरद पवार आणि सुप्रिया सुळे यांच्यावर जहरी टीका केली. शरद पवारांना तर “बहलोल खानाची” उपमा देखील त्यांनी दिली आणि याचाच राग मनात धरूनअजित पवार यांनी विजय शिवतरे यांना ‘आता कसा आमदार होतो तेच पाहतो;, असे म्हणत चारी मुंड्या चीत केले. त्यावेळी अजित पवार यांनी विजय शिवतरे यांचा पराभव अजित पवार यांनी सहज केला. त्यामुळे मागील अडीच वर्षात विजय शिवतरे यांना सक्रिय राजकारणापासून दूर राहावे लागले.

प्रेयसीचा मुलगा अनैतिक संबंधाच्या सतत आड येत होता, निर्दयी प्रियकराने केले धक्कादायक कृत्य
मात्र भाजप आणि शिंदेचे सरकार आल्यानंतर त्यांनी पुन्हा एकदा उचल खाल्ली आणि बारामती लोकसभा मतदारसंघांमध्ये पवार कुटुंबीयांना टक्कर देण्याचा विडाच जणू उचलला आहे. त्यामुळे आता ते बारामती लोकसभा मतदारसंघातील बारामती, दौंड, इंदापूर या भागाचे दौरे करत आहेत. याभागतील दौरे करून शिवसेना वाढवण्यासाठी प्रयत्न करताना पहायला मिळत आहेत. शिवतारे यांचा पुरंदरमध्ये हा फॉर्मुला सध्या फ्लॉप ठरत असला, तरी बारामती दौंड, इंदापूर आणि भोर तालुक्यातील लोकांना शिवतारे यांच्या बद्दल आकर्षण असल्याचे वातावरण तरी निर्माण होत असल्याचे पहायला मिळत आहे. शिवतरे यांची बोलण्याची पद्धत आणि बेधडक भिडण्याची सवय यामुळे पवार विरोधक शिवतारे यांच्या भोवती पहायला मिळत आहे.

नापास झाला म्हणून वडील रागावले, मुलाला आवडले नाही, तणावात उचलले धक्कादायक पाऊल
इंदापूर दौऱ्यावर असताना विजय शिवतारे यांनी केलेली अजित पवार यांची स्तुती, अजित पवार हे चांगले काम करणारा नेता असल्याचेही त्यांनी म्हटले आहे. त्यातच अजित पवार यांची त्यांच्याच पक्षात घुसमट होत असल्याचे देखील त्यांनी सांगितले. त्यामुळे अजित पवार यांनी शिंदे यांच्या सेनेसोबत यावे अशी ऑफरच शिवतारे यांनी दिली आहे. त्यामुळे अजित पवार यांची स्तुती सुमने म्हंजे शिवतारे पुरंदरची साखर पेरणी असल्याचे बोलले जात आहे.