पुणे:जसा काळ बदलत चालला आहे तशी विवाह करण्याची पद्धत देखील बदलताना पाहायला मिळत आहे. त्यात लग्नपत्रिकेचे स्वरूप देखील बदलत आहे. काही दिवसांपूर्वी लग्नाचा करारनामा सोशल मीडियावर व्हायरल झाला होता. दुसरीकडे सत्यशोधक विवाह, शिव विवाह, नोंदणी पद्धतीनं विवाह असे पर्याय देखील अनेक जण स्वीकारत असतात. छत्रपती संभाजीनगर येथील चंद्रशेखर शिखरे यांची कन्या ईशिता आणि जुन्नर तालुक्यातील प्रभागर डोंगरे यांचा मुलगा मयूर यांच्या लग्नाची पत्रिका चर्चेत आहेत. या शिवविवाह सोहळ्याची लग्न पत्रिका ३६ पानांची छापण्यात आली आहे. या लग्न पत्रिकेतून लग्नाचं आवतण देण्यात आलं आहे.
साधारण ता लग्न करताना पत्रिका पाहिल्या जातात त्यात ३६ गुण जुळले की नाही नाही हे पाहिले जाते. मात्र, शिवविवाहाची पत्रिका चक्क ३६ पानांची छापण्यात आली आहे. यात पुरोगामी आणि ऐतिहासिक, सामाजिक विषयांवर भाष्य केल्याचे पाहायला मिळत आहे. पत्रिकेचे आणखी एक वैशिष्ट्य म्हणजे यात नातेवाईकांची नावे न टाकता नवदाम्पत्याच्या शिक्षणाचा परिचय करुन देण्यात आला आहे. महापुरुषांच्या कार्याची माहिती देण्यात आली आहे.
शिवविवाह संकल्पना काय आहे?
साधारण ता लग्न करताना पत्रिका पाहिल्या जातात त्यात ३६ गुण जुळले की नाही नाही हे पाहिले जाते. मात्र, शिवविवाहाची पत्रिका चक्क ३६ पानांची छापण्यात आली आहे. यात पुरोगामी आणि ऐतिहासिक, सामाजिक विषयांवर भाष्य केल्याचे पाहायला मिळत आहे. पत्रिकेचे आणखी एक वैशिष्ट्य म्हणजे यात नातेवाईकांची नावे न टाकता नवदाम्पत्याच्या शिक्षणाचा परिचय करुन देण्यात आला आहे. महापुरुषांच्या कार्याची माहिती देण्यात आली आहे.
शिखरे कुटुंबाची कन्या एशिता आणि डोंगरे कुटुंबाचा मुलगा मयूर यांचा शिव विवाह २३ एप्रिल रोजी पार पडणार आहे. वर आणि वधू हे दोघेही उच्च शिक्षित असून प्रदेशात उच्च पदावर कार्यरत आहेत. पत्रिकेत वधू आणि वराचा फोटो व अल्प परिचय देण्यात आला आहे. याच बरोबर शिखरे आणि डोंगरे परिवाराचा ग्रुप फोटो आणि माहिती देखील देण्यात आली आहे.
व्हिक्टोरिया झाली अकलुजची सून; लग्नानंतर फॉरेनची नववधू कुटुंबियांसहित अंबाबाईच्या दर्शनाला
शिव-पार्वती विवाह, महाराणी देवी आणि सम्राट अशोक, संत तुकाराम आणि आवली, स्वराज्य संकल्पक शहाजीराजे आणि राजमाता जिजाऊ, छत्रपती शिवाजी महाराज आणि सईबाई, महात्मा फुले आणि सावित्रीबाई फुले, कॅप्टन लीलाताई व सेनानी डॉ. उत्तमराव पाटील, संत सोयराबाई व संत चोखामेळा, महाराणी चिमणाबाई, सयाजीराव गायकवाड या उभयतांची तसेच ताराबाई शिंदे, डॉ. रखमाबाई राऊत, बहिणाबाई चौधरी, सरोजनी नायडू यांच्या सचित्र माहिती, संत व महात्मे यांचे अभंग दिले आहेत, यांच्यासह विविध महामानवांच्या सहजीवनाबद्दल माहिती देण्यात आली आहे. जिज्ञासक महदंबा, संत जनाबाई संत मुक्ताबाई, अक्का महादेवी यांची माहिती देण्यात आली आहे. आधुनिक तंत्रज्ञानाचा वापर करून ही पत्रिका छापण्यात आली आहे. पुण्यातील जिजाऊ प्रकाशन यांनी ही पत्रिका तयार केली आहे.
शेतमालाच्या निर्यातीत पुण्याची भरारी; राज्यात एकूण शेतीमालाच्या निर्यातीमध्ये २५ टक्के वाटा
शिवविवाह संकल्पना काय आहे?
शिवविवाह हा एक निरोगी, बुद्धिमान, कर्तृत्ववान, सर्जनशील दाम्पत्य संस्कारित करण्याचा विधी आहे. निर्मळ निरामय सहजीवनाच्या मार्गावरून चालणारे दाम्पत्य निकोप कुटुंबव्यवस्थेचे बीज आहे. अशी प्रज्ञावान कर्तृत्ववान, शीलवान कुटुंबे एकत्र आल्यास प्रतिभासपन्न समाजाची निर्मिती होते. समता, समानता, न्याय, स्वातंत्र्य, मानवता, विश्वबंधुत्व, आधुनिकतेसोबतच आपल्या उज्ज्वल संस्कृतीचा समन्वय, वैज्ञानिक दृष्टिकोन व त्याचे आचरण अशा उन्नत मूल्याना वैवाहिक जीवनामध्ये पर्यायाने कुटुंबामध्ये आणि अंतिमतः समाजामध्ये रुजवणे हाच शिवविवाह संस्कार होय.
तिघी मैत्रिणी, लग्नं झालेली, मुलंही आहेत, घर सांभाळत एकाचवेळी पोलिसात भरती, लेकींचं होतंय कौतुक