उत्तर प्रदेशःउत्तर प्रदेशमधील माफिया अतिक अहमदचा मुलगा असद अहमद आणि त्याच्या साथीदाराचा पोलिसांच्या चकमकीत मारला गेला. असद अहमद १९ वर्षांचा होता उमेश पाल हत्याकांडानंतर तो फरार होता. असदवर पोलिसांनी पाच लाख रुपयांचे बक्षीस ठेवले होते. सुरुवातीला पोलिसांनी त्याला जिवंत पकडण्याचा प्रयत्न केला मात्र, त्याच्या साथीदारांसोबत झालेल्या चकमकीत तो मारला गेला. दरम्यान, असदच्या मृत्यूचा जबरदस्त झटका अतिक अहमदला बसला आहे. सूत्रांच्या माहितीनुसार असदचं लग्न ठरलं होतं.१९ वर्षांच्या असदचं लग्न ठरलं होतं. अतीक अहमदची बहिणीच्या मुलीसोबत त्याचा निकाह ठरवण्यात आला होता. त्यांच्या लग्नाची तयारीही करण्यात आली होती. मात्र, उमेश पाल हत्याकांड घडलं आणि निकाहची तारीख बदलण्यात आली. एकीकडे अतीक आधीपासूनच गुजरातच्या साबरमती तुरुंगात होता. तर, उमेश पाल हत्याकांडात अतिकची पत्नी, मुलगा आणि खास माणसांची नावं समोर आली होती. त्यांतर पोलिसांनी हत्याकांडात त्यांना आरोपी बनवले.
अतिक मागील वर्षी त्याच्या आत्याचा घरी आला होता. तिथेच त्याच्यात आणि मंतशामध्ये जवळीक वाढली. त्यानंतर दोन्ही परिवारांनी त्यांचं लग्न करण्याचा निर्णय घेतला. इतकंच नव्हे तर, अतीक अहमद गुजरात असताना बहिणीच्या नवऱ्यासोबत त्यांची लग्नासंबंधी चर्चा झाली होती. त्यानेही दोघांच्या नात्याला परवानगी दिली होती.
अतिक मागील वर्षी त्याच्या आत्याचा घरी आला होता. तिथेच त्याच्यात आणि मंतशामध्ये जवळीक वाढली. त्यानंतर दोन्ही परिवारांनी त्यांचं लग्न करण्याचा निर्णय घेतला. इतकंच नव्हे तर, अतीक अहमद गुजरात असताना बहिणीच्या नवऱ्यासोबत त्यांची लग्नासंबंधी चर्चा झाली होती. त्यानेही दोघांच्या नात्याला परवानगी दिली होती.
दरम्यान, उमेश पाल हत्याकांडात अतीक अहमदची बहिण आणि तिचे पती व दोन भाच्यांनाही या प्रकरणात आरोपी बनवण्यात आलं आहे. पोलिसांनी आरोपपत्रात म्हटल्याप्रमाणे, अतीकच्या बहिणीने व तिच्या दोन्ही मुलींनी आरोपींना पळून जाण्यास मदत केली. त्यामुळं या हत्याकांडात त्यांना आरोपी केले आहे. सध्या अतिकची बहिण व तिचा संपूर्ण परिवार फरार आहे.
त्यादिवशी बापलेकीची थोडक्यात चुकामूक झाली; वडील आणि पोलीस अधिकारी बँडस्टँडच्या अगदी जवळ पोहोचले होते पण…
नेमकं काय आहे प्रकरण?
बहुजन समाज पक्षाचे आमदार राजू पाल यांच्या हत्याप्रकरणातील साक्षीदार उमेश पाल याची व त्याच्या संरक्षणासाठी तैनात असलेल्या दोन पोलिसांची २४ फेब्रुवारीला प्रयागराजमध्ये दिवसाढवळ्या हत्या झाली होती. उमेश पाल याच्या हत्येच्या आरोपाखाली अतिक अहमद, त्याचा भाऊ अश्रफ, मुलगा असद व साथीदार गुलाम यांच्याविरुद्ध गुन्हे दाखल झाले होते. अन्य काही गुन्ह्यांसाठी गुजरातच्या साबरमती तुरुंगात असलेला अतिक व बरेलीच्या तुरुंगात असलेला अश्रफ यांना या हत्येनंतर प्रयागराज तुरुंगात ठेवण्यात आले; तर फरार असलेल्या अतिक व गुलामवर प्रत्येकी पाच लाख रुपयांचे बक्षीस जाहीर करण्यात आले. त्यांच्या मागावर असलेल्या विशेष कृती दलाच्या पोलिस पथकाला ते झाशी येथे मोटारसायकलीवरून जाताना दिसले. त्यांना रोखण्याचा प्रयत्न केला असता, त्यांनी पोलिसांवर गोळीबार केला. प्रत्युत्तरादाखल केलेल्या गोळीबारात दोघेही ठार झाले. त्यांच्याकडे अत्याधुनिक विदेशी शस्त्रे सापडली आहेत.
चिंचवडच्या उच्चभ्रू सोसायटीतील फ्लॅट नं. ६०२; पोलिसांची छापेमारी, काळे धंदे पाहून चक्रावले