पालघर : महिलेचा कुजलेला अवस्थेतील मृतदेह बेडरूममध्ये आढळल्याची घटना वसईतील नवयुगनगर येथे समोर आली आहे. मुमताज काझी असं मृत महिलेचं नाव असून या संपूर्ण घटनेमुळे परिसरात खळबळ उडाली आहे.
वसईतील नवयुगनगर येथील आशिर्वाद इमारतीच्या पहिल्या मजल्यावरील एका फ्लॅटमधून दुर्गंधी येत होती. त्यामुळे तेथील रहिवाशांनी माणिकपूर पोलिसांशी संपर्क साधत सदर प्रकाराची माहिती पोलिसांना दिली. मिळालेल्या माहितीनंतर पोलीस घटनास्थळी दाखल झाले आणि फ्लॅटचा दरवाजा उघडल्यावर बेडरुमच्या बेडवर कुजलेल्या अवस्थेत एका महिलेचा मृतदेह पोलिसांना आढळून आला.
वसईतील नवयुगनगर येथील आशिर्वाद इमारतीच्या पहिल्या मजल्यावरील एका फ्लॅटमधून दुर्गंधी येत होती. त्यामुळे तेथील रहिवाशांनी माणिकपूर पोलिसांशी संपर्क साधत सदर प्रकाराची माहिती पोलिसांना दिली. मिळालेल्या माहितीनंतर पोलीस घटनास्थळी दाखल झाले आणि फ्लॅटचा दरवाजा उघडल्यावर बेडरुमच्या बेडवर कुजलेल्या अवस्थेत एका महिलेचा मृतदेह पोलिसांना आढळून आला.
सलमान खानला पुन्हा मिळाली जीवे मारण्याची धमकी, फोन करून म्हणाला- ‘३० एप्रिलला मारणार’
या महिलेच्या गळ्याला साडीचा फास होता आणि साडीचे कापलेले दुसरे टोक पंख्याला लटकलेले आढळून आले. पोलिसांनी सदर फ्लॅटची तपासणी केल्यावर त्यांना सापडलेल्या अग्रीमेंटच्या कॉपीवरुन सदर महिलेचे नाव मुमताज काझी असे असल्याचे समोर आले आहे. मृत महिला या फ्लॅटमध्ये एक महिन्यांपूर्वीच भाड्याने राहण्यासाठी आली होती. या महिलेसोबत मोमीन काझी नावाचा इसम देखील राहत होता. मात्र, ही घटना समोर आल्यापासून समाचा ठाव ठिकाणा समजलेला नाही.
या प्रकरणी माणिकपूर पोलिसांनी आकस्मिक मृत्यूची नोंद केली असून, सदर प्रकरण आत्महत्येचे असल्याचा प्राथमिक अंदाज व्यक्त करण्यात आला आहे. मात्र, सदर महिलेचा मृतदेह पंख्याला लटकल्यानंतर गळफास लावलेली साडी कापण्यात आल्याचे प्रथमदर्शनी पोलिसांना निदर्शनास आल्याने महीलेसोबत राहणारा मोमीन काझी याचा पोलीस शोध घेत असून अधिक तपास करीत आहेत.